ಡಿಕೆಶಿಗೆ ಶೇವಿಂಗ್‌ಗೆ ಅವಕಾಶ ನೀಡಿದ ಕೋರ್ಟ್‌

ಬೆಂಗಳೂರು: ಜಾರಿ ನಿರ್ದೇಶನಾಲಯದ ವಶದಲ್ಲಿರುವ ಮಾಜಿ ಸಚಿವ ಡಿ.ಕೆ.ಶಿವಕುಮಾರ್‌ ಅವರಿಗೆ ಶೇವಿಂಗ್‌ ಕಿಟ್‌ ಇಟ್ಟುಕೊಳ್ಳಲು ಜಾರಿ ನಿರ್ದೇಶನಾಲಯದ ವಿಶೇಷ ಕೋರ್ಟ್‌ ಅನುಮತಿ ನೀಡಿದೆ. ಶೇವಿಂಗ್‌ ಕಿಟ್‌ ಇಟ್ಟುಕೊಳ್ಳಲು ಇಡಿ ನಿರಾಕರಿಸಿದ್ದರಿಂದ ಡಿ.ಕೆ.ಶಿವಕುಮಾರ್‌ ಪರ ವಕೀಲರು, ಶೇವಿಂಗ್‌ ಕಿಟ್‌, ಪೆನ್ನು ಪೇಪರ್‌ ಇಟ್ಟುಕೊಳ್ಳಲು ಅವಕಾಶ ಕಲ್ಪಿಸುವಂತೆ ಕೋರ್ಟ್‌ಗೆ ಮನವಿ ಮಾಡಿದ್ದರು.

ಅಲ್ಲದೇ, ಶಿವಕುಮಾರ್‌ ಕುಟುಂಬ ಭೇಟಿ ಮಾಡಿದಾಗ ತನಿಖಾಧಿಕಾರಿಗಳು ಜತೆಯಲ್ಲಿರುವುದರಿಂದ ಕುಟುಂಬದವರಿಗೆ ಮಾತನಾಡಲು ಅವಕಾಶ ಸಿಗದಂತಾಗಿದೆ. ಹೀಗಾಗಿ ಕುಟುಂಬದವರ ಭೇಟಿ ಸಂದರ್ಭಧಲ್ಲಿ ಅಧಿಕಾರಿಗಳು ಹಾಜರಿರದಂತೆ ನಿರ್ದೇಶನ ನೀಡಬೇಕೆಂದು ಮನವಿ ಮಾಡಿದ್ದರು.