ಕೂಡಿಕೆ ಸಂಸಾರ ಎಂದೂ ಸರಿಹೋಗಲ್ಲ

ರಾಣಿಬೆನ್ನೂರ: ನಾನು ಸಭಾಪತಿಯಾಗಿದ್ದಾಗ 17 ಶಾಸಕರನ್ನು ಅನರ್ಹರೆಂದು ಘೋಷಿಸಿದ್ದೆ. ಸುಪ್ರಿಂ ಕೋರ್ಟ್‌ ಸಹ ನನ್ನ ಆದೇಶ ಎತ್ತಿ ಹಿಡಿದಿದೆ. ಆದರೂ ಪುನಃ ಮತ ಕೇಳಲು ಬಂದಿದ್ದಾರೆ. ಜನತಾ ನ್ಯಾಯಾಲಯದಲ್ಲೂ ಮತದಾರರು ಇವರನ್ನು ಅನರ್ಹ ಮಾಡ ಬೇಕೆಂದು ಮಾಜಿ ಸ್ಪೀಕರ್‌ ರಮೇಶಕುಮಾರ ಹೇಳಿದರು.

ಕಾಂಗ್ರೆಸ್‌ ಕಾರ್ಯಕರ್ತರ ಬೃಹತ್‌ ಸಮಾವೇಶದಲ್ಲಿ ಮಾತನಾಡಿ, ಇಂತಹ ಅನರ್ಹರನ್ನು ಯಡಿಯೂರಪ್ಪ ಬಿಜೆಪಿ ಕಚೇರಿ ಯಲ್ಲಿ ಸ್ವಾಗತ ಮಾಡಿಕೊಂಡಿದ್ದಾರೆ. ಈ ಇಳಿ ವಯಸ್ಸಿನಲ್ಲಿ ಅವರಿಗೆ ಇದೆಲ್ಲ ಬೇಕಿತ್ತೆ? ಕೂಡಿಕೆಯ ಸಂಸಾರ ಎಂದೂ ಸರಿ ಹೋಗುವುದಿಲ್ಲ, ವರನ ಮತ್ತು ಕನ್ಯೆಯ ತಂದೆ-ತಾಯಿ ಮತ್ತು ಸಂಬಂಧಿಕರು ಕೂಡಿ ಮಾಡಿದ ಮದುವೆ ಸಂಸಾರ ಮಾತ್ರ ಉತ್ತಮವಾಗಿರಲು ಸಾಧ್ಯ ಎಂದರು.