ಡಾರ್ಜಿಲಿಂಗ್‌ : ಮನೆ ಮೇಲೆ ಗುಡ್ಡ ಜರಿದು ಮಧ್ಯ ವಯಸ್ಸಿನ ದಂಪತಿ ಸಾವು

ಡಾರ್ಜಿಲಿಂಗ್‌ : ಪಶ್ಚಿಮ ಬಂಗಾಲದ ಡಾರ್ಜಿಲಿಂಗ್‌ ಜಿಲ್ಲೆಯಲ್ಲಿ ಸಂಭವಿಸಿದ ಭೂಕುಸಿತದಲ್ಲಿ ಮಧ್ಯ ವಯಸ್ಸಿನ ದಂಪತಿ ಮೃತಪಟ್ಟಿರುವ ಘಟನೆ ವರದಿಯಾಗಿದೆ.

ಡಾರ್ಜಿಲಿಂಗ್‌ನ ಸುಖೀಯಾ ಪೋಖರಿ ಪ್ರದೇಶದ ಪುಬೂಂಗ್‌ ಫ‌ತಾಕ್‌ ಎಂಬಲ್ಲಿ ಇಂದು ಶನಿವಾರ ನಸುಕಿನ 2.30ರ ವೇಳೆಗೆ ಭಾರೀ ಜಡಿ ಮಳೆಯ ಕಾರಣ ಸಂಭವಿಸಿದ ಭೂಕುಸಿದಿಂದ ದಂಪತಿ ವಾಸವಾಗಿದ್ದ ಇಟ್ಟಿಗೆ ಮನೆ ನೆಲಸಮವಾಯಿತು.

ಮೃತ ದಂಪತಿಯನ್ನು 60ರ ಹರೆಯದ ಕುಮಾರ್‌ ಲೋಪ್‌ಚಾನ್‌ ಮತ್ತು ಪತ್ನಿ 55ರ ಹರೆಯದ ಬಾಲ ಕುಮಾರಿ ಲೋಪಚಾನ್‌ ಎಂದು ಗುರುತಿಸಲಾಗಿದೆ.