Kuala Lumpur; ಪರಸ್ಪರ ಡಿಕ್ಕಿ ಹೊಡೆದು ಪತನಗೊಂಡ ಕಾಪ್ಟರ್‌ಗಳು: 10 ಯೋಧರು ಸಾವು

ಕೌಲಾಲಂಪುರ: ತರಬೇತಿ ವೇಳೆ ಮಲೇಷ್ಯಾ ಸೇನಾಪಡೆಯ ಎರಡು ಹೆಲಿಕಾಪ್ಟರ್‌ ಗಳು ಪರಸ್ಪರ ಡಿಕ್ಕಿಯಾಗಿ ಪತನಗೊಂಡಿದ್ದು, ಎರಡೂ ಹೆಲಿಕಾಪ್ಟರ್‌ಗಳಲ್ಲಿದ್ದ ಎಲ್ಲ 10 ಸೈನಿಕರು ಸಾವಿಗೀಡಾಗಿದ್ದಾರೆ.

ಮುಂದಿನ ತಿಂಗಳು ನೌಕಾಪಡೆಯ 90ನೇ ವಾರ್ಷಿಕೋತ್ಸವ ನಡೆಯಲಿದ್ದು, ಈ ಹಿನ್ನೆಲೆಯಲ್ಲಿ ಉತ್ತರ ಪೆರಾಕ್‌ನಲ್ಲಿರುವ ನೌಕಾ ನೆಲೆಯಲ್ಲಿ ಪೂರ್ವಾಭ್ಯಾಸ ನಡೆಸಲಾಗುತ್ತಿತ್ತು.

ಇಟಲಿಯ ಅಗಸ್ಟಾ ವೆಸ್ಟ್‌ಲ್ಯಾಂಡ್‌ ನಿರ್ಮಾಣದ ಎಡಬ್ಲ್ಯು139 ಹೆಲಿಕಾಪ್ಟರ್‌ ನಲ್ಲಿ 7 ಸೈನಿಕರು, ಫೆನೆಕ್‌ ಲಘುವಿಮಾನದಲ್ಲಿ 3 ಸೈನಿಕರು ಪೂರ್ವಾಭ್ಯಾಸ ನಡೆಸುತ್ತಿದ್ದರು. ಈ ವೇಳೆ ಎರಡೂ ಹೆಲಿಕಾಪ್ಟರ್‌ ಗಳು ಪರಸ್ಪರ ಡಿಕ್ಕಿಯಾಗಿ ಪತನಗೊಂಡಿವೆ. ಘಟನೆಗೆ ಕಾರಣ ತಿಳಿದುಬಂದಿಲ್ಲ ಎಂದು ಸೇನೆ ಹೇಳಿದೆ.