WB; ಕೂಚ್‌ ಬೆಹಾರ್‌ಗೆ ಭೇಟಿ ಬೇಡ: ಬಂಗಾಲ ರಾಜ್ಯಪಾಲರಿಗೆ ಸಲಹೆ

ಕೋಲ್ಕತಾ: ರಾಜಕೀಯ ಸಂಘರ್ಷದಿಂದ ಸುದ್ದಿಯಾಗಿದ್ದ ಪಶ್ಚಿಮ ಬಂಗಾಲದ ಕೂಚ್‌ ಬೆಹಾರ್‌ಗೆ ಭೇಟಿ ನೀಡದಂತೆ ರಾಜ್ಯಪಾಲ ಸಿ.ವಿ.ಆನಂದ ಬೋಸ್‌ಗೆ ಚುನಾವಣ ಆಯೋಗ ಸಲಹೆ ಮಾಡಿದೆ. ಒಂದು ವೇಳೆ ಭೇಟಿ ನೀಡಿದರೆ ಅದು ಮಾದರಿ ನೀತಿ ಸಂಹಿತೆ ಉಲ್ಲಂಘನೆ ಆಗಲಿದೆ ಎಂದು ಆಯೋಗ ಹೇಳಿದೆ. ಕೂಚ್‌ ಬೆಹಾರ್‌ನಲ್ಲಿ ಎ.19 ರಂದೇ ಮೊದಲ ಹಂತದಲ್ಲಿ ಮತದಾನ ನಡೆಯಲಿದೆ. ರಾಜ್ಯಪಾಲರ ಭೇಟಿಯಿಂದ ತಪ್ಪು ಸಂದೇಶ ರವಾನೆ ಆಗಬಹುದು ಎಂದು ಆಯೋಗ ಸೂಚನೆ ನೀಡಿದೆ. ರಾಜ್ಯಪಾಲರ ಪ್ರವಾಸದ ವೇಳಾಪಟ್ಟಿಯ ಪ್ರಕಾರ ಎ.18, 19ರಂದು ಕೂಚ್‌ ಬೆಹಾರ್‌ಗೆ ಭೇಟಿ ನೀಡಬೇಕಾಗಿತ್ತು.