Delhi: ಕೇಜ್ರಿವಾಲ್‌ಗಿಂತ ಆತಿಶಿ ಸಾವಿರಪಟ್ಟು ಉತ್ತಮ: ಲೆ.ಗ.ಸಕ್ಸೇನಾ!

ನವದೆಹಲಿ: ದೆಹಲಿ ಲೆಫ್ಟಿನಂಟ್‌ ಗವರ್ನರ್‌ ವಿ.ಕೆ.ಸಕ್ಸೇನಾ ಮತ್ತು ಆಪ್‌ನ ವಿವಿಧ ನಾಯಕರು ತಮ್ಮ ರಾಜಕೀಯ ಜಿದ್ದಾಜಿದ್ದಿನಿಂದಾಗಿ ಸದಾ ಸುದ್ದಿಯಲ್ಲಿರುತ್ತಾರೆ. ಆದರೆ ಶುಕ್ರವಾರ ನಡೆದ ಕಾರ್ಯಕ್ರಮವೊಂದರಲ್ಲಿ, “ದೆಹಲಿಯ ಹಾಲಿ ಸಿಎಂ ಆತಿಶಿ  ಅವರು ಮಾಜಿ ಸಿಎಂ ಅರವಿಂದ ಕೇಜ್ರಿವಾಲ್‌ ಅವರಿಗಿಂತ ಸಾವಿರ ಪಟ್ಟು ಉತ್ತಮ’ ಎಂದು ಲೆ.ಗ.ಸಕ್ಸೇನಾ ಶ್ಲಾಘಿ ಸಿದ್ದಾರೆ.

ಕಾಲೇಜೊಂದರ ಘಟಿಕೋತ್ಸವದಲ್ಲಿ ಭಾಗವಹಿಸಿದ್ದ ಸಕ್ಸೇನಾ, “ಓರ್ವ ಮಹಿಳೆ, ದೆಹಲಿಯ ಮುಖ್ಯಮಂತ್ರಿಯಾದ ಕುರಿತು ನನಗೆ ಸಂತೋಷವಿದೆ. ಅಲ್ಲದೇ ಈ ಹಿಂದಿನ ಸಿಎಂಗಿಂತಲೂ ಅತಿಶಿ ಅವರು ಸಾವಿರ ಪಟ್ಟು ಉತ್ತಮ’ ಎಂದು ಆತಿಶಿ ಸಮ್ಮುಖದಲ್ಲೇ ಹೇಳಿದ್ದಾರೆ.