ಸೆ.4 ರಂದು ಹಣದುಬ್ಬರ ವಿರೋಧಿಸಿ ಕಾಂಗ್ರೆಸ್ ನಿಂದ ‘ಹಲ್ಲಾ ಬೋಲ್’ರ‍್ಯಾಲಿ

ನವದೆಹಲಿ: ಸೆ.4 ರಂದು ದೆಹಲಿಯ ರಾಮಲೀಲಾ ಮೈದಾನದಲ್ಲಿ ಹಣದುಬ್ಬರ ಕುರಿತು ಕಾಂಗ್ರೆಸ್ ‘ಹಲ್ಲಾ ಬೋಲ್’ ರ‍್ಯಾಲಿ ನಡೆಸಲಿದೆ. ರಾಹುಲ್ ಗಾಂಧಿ ಈ ರ‍್ಯಾಲಿಯನ್ನು ಉದ್ದೇಶಿಸಿ ಮಾತನಾಡಲಿದ್ದು, 3500 ಕಿ.ಮೀ ಉದ್ದದ ‘ಭಾರತ್ ಜೋಡೋ ಯಾತ್ರೆ’ ಸೆ.7 ರಂದು ಕನ್ಯಾಕುಮಾರಿಯಿಂದ ಆರಂಭವಾಗಲಿದೆ ಎಂದು ಕಾಂಗ್ರೆಸ್ ಸಂವಹನ ಉಸ್ತುವಾರಿ ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಹೇಳಿದ್ದಾರೆ.

ಆಗಸ್ಟ್ 22 ರಂದು, ಹಲ್ಲಾ ಬೋಲ್- ದೆಹಲಿ ಚಲೋ ರ‍್ಯಾಲಿಯನ್ನು ಪ್ರತಿ ರಾಜ್ಯದಲ್ಲಿ ಆಯೋಜಿಸಲಾಗುವುದು. ಆಗಸ್ಟ್ 25 ರಂದು ಜಿಲ್ಲಾ ಮಟ್ಟದಲ್ಲಿ ಮತ್ತು ಆಗಸ್ಟ್ 27 ರಂದು ಬ್ಲಾಕ್ ಮಟ್ಟದಲ್ಲಿ ವಿವಿಧ ರಾಜ್ಯಗಳಲ್ಲಿ ಇದೇ ರ‍್ಯಾಲಿ ನಡೆಯಲಿದೆ ಎಂದು ಅವರು ತಿಳಿಸಿದ್ದಾರೆ.

ರ‍್ಯಾಲಿಗಾಗಿ ತಯಾರಿಗಾಗಿ ಪಕ್ಷದ ಪ್ರಧಾನ ಕಚೇರಿಯಲ್ಲಿ ಕಾಂಗ್ರೆಸ್ ನಾಯಕರ ಮಹತ್ವದ ಸಭೆ ಗುರುವಾರ ನಡೆಯಿತು.