Congress ನನ್ನ ತಂದೆಗೆ ದಾನವಾಗಿ ಏನನ್ನೂ ನೀಡಿಲ್ಲ: ಪ್ರಣವ್‌ ಪುತ್ರಿ

ಹೊಸದಿಲ್ಲಿ: “ಕಾಂಗ್ರೆಸ್‌ ಅಥವಾ ಗಾಂಧಿ-ನೆಹರೂ ಕುಟುಂಬವು ದಾನವಾಗಿ ಯಾವುದೇ ಹುದ್ದೆಯನ್ನು ನಮ್ಮ ತಂದೆಗೆ ನೀಡಲಿಲ್ಲ. ಬದಲಾಗಿ ಅವರು ಅದನ್ನು ಗಳಿಸಿದರು ಮತ್ತು ಅದಕ್ಕೆ ಅರ್ಹರಾಗಿದ್ದರು’ ಎಂದು ಮಾಜಿ ರಾಷ್ಟ್ರಪತಿ ಪ್ರಣವ್‌ ಮುಖರ್ಜಿ ಅವರ ಪುತ್ರಿ ಶರ್ಮಿಷ್ಠಾ ಮುಖರ್ಜಿ ಹೇಳಿದ್ದಾರೆ.

ಕಾಂಗ್ರೆಸ್‌ ವಿರುದ್ಧ ಕಿಡಿಕಾರಿರುವ ಅವರು, ಗಾಂಧಿ ಕುಟುಂಬದವರು ಊಳಿಗಮಾನ್ಯ ದೊರೆಗಳಂತೆ ನಾಲ್ಕು ಪೀಳಿಗೆಯಿಂದ ಗೌರವವನ್ನು ನಿರೀಕ್ಷಿಸುತ್ತಾರೆಯೇ? ಎಂದು ಪ್ರಶ್ನಿಸಿದ್ದಾರೆ. “ನೀವು, ನಿಮ್ಮ ಅಪ್ಪ ಈಗ ಏನಾಗಿದ್ದೀರೋ, ಅದಕ್ಕೆ ಗಾಂಧಿ ನೆಹರೂ ಕುಟುಂಬದ ಆಶೀರ್ವಾದ ಕಾರಣ. ನೀವು ಸಿದ್ಧಾಂತದಿಂದ ದೂರವಾಗುತ್ತಿದ್ದೀರಿ’ ಎಂಬ ಟ್ವೀಟ್‌ವೊಂದಕ್ಕೆ ಪ್ರತಿಕ್ರಿಯಿಸಿರುವ ಶರ್ಮಿಷ್ಠಾ, “ಕಾಂಗ್ರೆಸ್‌ನ ಈಗಿನ ಸಿದ್ಧಾಂತ ಯಾವುದು ಚುನಾವಣೆಗೂ ಕೊಂಚ ಮೊದಲು ಶಿವಭಕ್ತರಾಗುವುದೇ?’ ಪ್ರಶ್ನಿಸಿದ್ದಾರೆ.