Congress Government: ಸಿದ್ದರಾಮಯ್ಯ ಅವಧಿಯಲ್ಲೇ ದ್ವೇಷದ ರಾಜಕಾರಣ ಬೇಸರ ತಂದಿದೆ: ಸೋಮಣ್ಣ

ಮೈಸೂರು: ರಾಜ್ಯ ಸರಕಾರ ದ್ವೇಷದ ರಾಜಕಾರಣ ಶುರು ಮಾಡಿದೆ. ಸಿದ್ದರಾಮಯ್ಯ ಅವರ ಕಾಲದಲ್ಲಿ ಈ ರೀತಿಯ ರಾಜಕಾರಣ ಶುರುವಾಗಿರುವುದು ನನಗೆ ಬೇಸರ ಮೂಡಿಸುತ್ತಿದೆ ಎಂದು ಕೇಂದ್ರ ಸಚಿವ ವಿ. ಸೋಮಣ್ಣ ಹೇಳಿದರು.

ಸುದ್ದಿಗಾರರೊಂದಿಗೆ ಎಂಎಲ್‌ಸಿ ಸಿ.ಟಿ.ರವಿ ಪ್ರಕರಣ ವಿಚಾರವಾಗಿ ಮಾತನಾಡಿ, ಅಂದು ಗಲಾಟೆ ನಡೆದ ದಿನ ಸಿ.ಟಿ. ರವಿ ಜತೆ ಮಾಧ್ಯಮಗಳು ಇರದಿದ್ದರೇ ರವಿ ಕಥೆ ಏನಾಗುತ್ತಿತ್ತು? ಅದನ್ನು ಊಹೆ ಮಾಡಿಕೊಳ್ಳಿ. ಮಾಧ್ಯಮಗಳು ಇದ್ದಿದಕ್ಕೆ ಬಚಾವ್‌ ಆದರು. ಈ ಪ್ರಕರಣ ಬೆಳಸುವುದು ಬೇಡ. ಇದು ಸದನದ ವಿಚಾರವಾಗಿದ್ದು, ಇಲ್ಲಿಗೆ ಬಿಟ್ಟುಬಿಡಿ ಎಂದು ಸಿಎಂ ಸಿದ್ದರಾಮಯ್ಯ ಹಾಗೂ ಗೃಹ ಸಚಿವ ಪರಮೇಶ್ವರ್‌ ಹೇಳಿಲ್ಲವೇ? ಈ ಬಗ್ಗೆ ಅವರಿಬ್ಬರೂ ಆತ್ಮಸಾಕ್ಷಿ ಸಮೇತ ಹೇಳಲಿ ಎಂದರು.

ಸದನದ ವಿಚಾರ ಸ್ಪೀಕರ್‌ ತೀರ್ಮಾನವೇ ಅಂತಿಮ. ಸರಕಾರ ಪೊಲೀಸರ ಮೂಲಕ ಸಿ.ಟಿ. ರವಿ ಅವ ರನ್ನು ಬಂಧಿ ಸಿ, ಏಳೆಂಟು ಗಂಟೆ ಸುತ್ತಿಸುವ ಆವಶ್ಯಕತೆ ಇತ್ತಾ? ಜನ ಎಲ್ಲವನ್ನೂ ನೋಡುತ್ತಿದ್ದಾರೆ ಎಂದರು.