ಅವಿಶ್ವಾಸ  ಮಂಡನೆಗೆ ಕಾಂಗ್ರೆಸ್‌ ಸಜ್ಜು

ನವದೆಹಲಿ: ಇದೀಗ, ಮೋದಿ ಸರ್ಕಾರದ ವಿರುದ್ಧ ಅವಿಶ್ವಾಸ ಗೊತ್ತುವಳಿ ಮಂಡಿಸಲು ಕಾಂಗ್ರೆಸ್‌ ನಿರ್ಧರಿಸಿದೆ. 
ಮಂಗಳವಾರ ಲೋಕಸಭೆಯಲ್ಲಿ ಕಾಂಗ್ರೆಸ್‌ ನಾಯಕ ಮಲ್ಲಿಕಾರ್ಜುನ ಖರ್ಗೆ ಅವರು ಗೊತ್ತುವಳಿ ಮಂಡಿಸಲಿದ್ದು, ಈ ವೇಳೆ ಎಲ್ಲರೂ ಹಾಜರಿರುವಂತೆ  ತನ್ನ ಸಂಸದರಿಗೆ ಕಾಂಗ್ರೆಸ್‌ ವಿಪ್‌ ಜಾರಿಗೊಳಿಸಿದೆ.  ಇತ್ತೀಚೆಗೆ, ಟಿಡಿಪಿ, ವೈಎಸ್ಸಾರ್‌ ಕಾಂಗ್ರೆಸ್‌ ಪಕ್ಷಗಳೂ  ಅವಿಶ್ವಾಸ ಗೊತ್ತುವಳಿ ಮಂಡಿಸಿದ್ದು, ಗದ್ದಲದಿಂದಾಗಿ ಚರ್ಚೆಗೆ ಕೈಗೆತ್ತಿಕೊಳ್ಳಲು ಸಾಧ್ಯವಾಗಿಲ್ಲ. ಏತನ್ಮಧ್ಯೆ, ಪ್ರತಿಪಕ್ಷಗಳ ಗದ್ದಲದ  ಕಾರಣ, ಸತತ 15ನೇ ದಿನವೂ  ಸದನಗಳ ಕಲಾಪ ಕೊಚ್ಚಿಹೋಯಿತು.