ಬುಧವಾರದ ಪಿಎಂಕೆ ಬಂದ್‌ಗೆ ಪುದುಚೇರಿ ಆಳುವ ಕಾಂಗ್ರೆಸ್‌ ಬೆಂಬಲ

ಪುದುಚೇರಿ : ಪುದುಚೇರಿಯಲ್ಲಿನ ಆಳುವ ಕಾಂಗ್ರೆಸ್‌ ಪಕ್ಷ ನಾಳೆ ಬುಧವಾರ ಬೆಳಗ್ಗಿನಿಂದ ಸಂಜೆಯ ವರೆಗೆ ಕಾವೇರಿ ವಿಷಯಕ್ಕೆ ಸಂಬಂಧಿಸಿ ಪಿಎಂಕೆ ನೀಡಿರುವ ಬಂದ್‌ ಕರೆಯನ್ನು ತಾನು ಬೆಂಬಲಿಸುವುದಾಗಿ ಹೇಳಿದೆ. 

ಕಾವೇರಿ ಜಲ ನಿರ್ವಹಣಾ ಮಂಡಳಿ ರಚಿಸುವ ತನ್ನ ಹೊಣೆಗಾರಿಕೆಯಿಂದ ಕೇಂದ್ರ ಸರಕಾರ ನುಣುಚಿಕೊಳ್ಳುತ್ತಿದೆ ಎಂದು ಪುದುಚೇರಿ ಪಿಸಿಸಿ ಅಧ್ಯಕ್ಷ ಮತ್ತು ಪಿಡಬ್ಲ್ಯುಡಿ ಸಚಿವ ಎ ನಮಶ್ಶಿವಾಯಂ ಅವರು ಹೊರಡಿಸಿರುವ ಪ್ರಕಟನೆಯಲ್ಲಿ ಆರೋಪಿಸಿದ್ದಾರೆ.

ಪುದುಚೇರಿಯ ಎಲ್ಲ ವಾಣಿಜ್ಯ ಮತ್ತು ವರ್ತಕ ಸಮುದಾಯದವರು ಮತ್ತು ಇತರರು ಮಾತ್ರವಲ್ಲದೆ ಕಾಂಗ್ರೆಸ್‌ನ ಎಲ್ಲ ವರ್ಗದವರು ನಾಳೆಯ ಬಂದ್‌ ಬೆಂಬಲಿಸುವಂತೆ ಅವರು ಕೋರಿದರು. 

ಕಳೆದ ಎ.5ರಂದು ಪುದುಚೇರಿಯು ಡಿಎಂಕೆ ಪ್ರವರ್ತಿತ ಕಾವೇರಿ ಬಂದ್‌ ಕಂಡಿತ್ತು.