ಯುವ ಜನತೆಗೆ ಉಚಿತ ಕಾಂಡೋಮ್‌ ವಿತರಣೆ: ಮಹತ್ವದ ಯೋಜನೆ ಘೋಷಿಸಿದ ಸರ್ಕಾರ

ನವದೆಹಲಿ: ಅನಗತ್ಯ ಗರ್ಭಧಾರಣೆಯನ್ನು ತಪ್ಪಿಸುವ ನಿಟ್ಟಿನಲ್ಲಿ 18-25 ರಿಂದ ವರ್ಷದೊಳಗಿನ ಯುವ ಜನತೆಗೆ ಉಚಿತವಾಗಿ ಕಾಂಡೋಮ್‌ ನೀಡಲಾಗುವುದು ಫ್ರಾನ್ಸ್‌ ಸರ್ಕಾರ ಗುರುವಾರ (ಡಿ.8 ರಂದು) ಘೋಷಿಸಿದೆ.

ಗರ್ಭನಿರೋಧಕಕ್ಕೆ ಇದೊಂದು ಒಂದು ಸಣ್ಣ ಕ್ರಾಂತಿ ಎಂದು ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನುಯೆಲ್ ಮ್ಯಾಕ್ರನ್ ಫಾಂಟೈನ್-ಲೆ-ಕಾಮ್ಟೆಯಲ್ಲಿ ಯುವ ಜನರೊಂದಿಗೆ ನಡೆದ ಆರೋಗ್ಯ ವಿಚಾರದ ಚರ್ಚೆಯ ವೇಳೆ ಮಾಧ್ಯಮಗಳ ಮೂಲಕ ಹೇಳಿದ್ದಾರೆ.

ಇದನ್ನೂ ಓದಿ: ಕ್ರೋವೇಷಿಯಾ ಆಘಾತ… ಬ್ರೆಜಿಲ್ ಪರ ಆಡುವುದನ್ನೇ ನಿಲ್ಲಿಸುತ್ತಾರಾ ನೇಯ್ಮರ್

ಫ್ರಾನ್ಸ್‌ ಸರ್ಕಾರವು ಈ ವರ್ಷದಿಂದ 25 ವರ್ಷದೊಳಗಿನ ಎಲ್ಲಾ ಮಹಿಳೆಯರಿಗೆ ಉಚಿತ ಜನನ ನಿಯಂತ್ರಣ ಮಾತ್ರೆಯನ್ನು ನೀಡಲು ಪ್ರಾರಂಭಿಸಿದೆ. ಈ ಯೋಜನೆಯನ್ನು ವಿಸ್ತರಿಸಿ 18 ವರ್ಷದವರನ್ನು ಗುರಿಯಾಗಿಸಿಕೊಂಡು ಉಚಿತ ಕಾಂಡೋಮ್‌ ನೀಡುವ ಯೋಜನೆಯನ್ನು ಜಾರಿಗೊಳಿಸಲಾಗುತ್ತಿದೆ ಎಂದು ಅಧ್ಯಕ್ಷರು ಹೇಳಿದ್ದಾರೆ.

ಲೈಂಗಿಕವಾಗಿ ಹರಡುವ ರೋಗಗಳನ್ನು( ಎಸ್‌ ಟಿಡಿ ಕಾಯಿಲ) ತಡೆಯುವ ಉದ್ದೇಶದಿಂದ ಜ.1 2023 ರಿಂದ  ಎಲ್ಲಾ ಫಾರ್ಮಸಿಗಳಲ್ಲಿ 18 -25 ವರ್ಷದ ಯುವ ಜನರಿಗೆ ಉಚಿತವಾಗಿ ಕಾಂಡೋಮ್‌ ಗಳನ್ನು ನೀಡಲಾಗುವುದು ಎಂದು ಫ್ರಾನ್ಸ್‌ ಅಧ್ಯಕ್ಷ ಇಮ್ಯಾನುಯೆಲ್‌ ಹೇಳಿದ್ದಾರೆ.