ಕಿರುತೆರೆ ನಟಿ ಶ್ವೇತಾ ತಿವಾರಿ ವಿರುದ್ಧ ಎಫ್​ಐಆರ್​ ದಾಖಲು

ಭೋಪಾಲ್‌: ನಟಿ ಶ್ವೇತಾ ತಿವಾರಿ ವಿವಾದವೊಂದರಲ್ಲಿ ಸಿಲುಕಿಕೊಂಡಿದ್ದಾರೆ. “ದೇವರೇ ನನ್ನ ಬ್ರಾ ಸೈಜ್‌ ನಿರ್ಧರಿಸುತ್ತಾನೆ’ ಎಂದು ಹೇಳಿರುವ ಅವರ ವಿರುದ್ಧ ಎಫ್ ಐಆರ್‌ ದಾಖಲಾಗಿದೆ.

ನಟಿ ತಾವು ನಟಿಸಿರುವ “ಶೋ ಸ್ಟಾಪರ್‌’ ವೆಬ್‌ ಸೀರಿಸ್‌ ಪ್ರಚಾರದ ವೇಳೆ, ಈ ಹೇಳಿಕೆ ಕೊಟ್ಟಿದ್ದರು. ಮಹಾಭಾರತ ಧಾರಾವಾಹಿಯಲ್ಲಿ ಕೃಷ್ಣನ ಪಾತ್ರದಲ್ಲಿದ್ದ ಸೌರಭ್‌ ರಾಜ್‌ ಈ ಸೀರಿಸ್‌ನಲ್ಲಿ ಬ್ರಾ ಫಿಟ್ಟರ್‌ ಕೆಲಸ ಮಾಡುವವರಾಗಿ ಕಾಣಿಸಿಕೊಂಡಿದ್ದಾರೆ. ಆ ಹಿನ್ನೆಲೆಯಲ್ಲಿ ನಟಿ, ಸೌರಭ್‌ ಉದ್ದೇಶಿಸಿ, “ದೇವರಿಂದ ಸೀದಾ ಬ್ರಾ ಫಿಟ್ಟರ್‌ ಆಗಿದ್ದಾನೆ. ನನ್ನ ಬ್ರಾ ಸೈಜ್‌ ದೇವರೇ ನಿರ್ಧರಿಸುತ್ತಾರೆ’ ಎಂದಿದ್ದರು. ಇದು ಅನೇಕರ ಕೆಂಗಣ್ಣಿಗೆ ಗುರಿಯಾಗಿತ್ತು. ಈ ಬಗ್ಗೆ ಸೋನು ಪ್ರಜಾಪತಿ ಎಂಬವರು ದೂರು ನೀಡಿದ್ದು, ಶುಕ್ರವಾರ ಪ್ರಕರಣ ದಾಖಲಾಗಿದೆ.

ಮಧ್ಯಪ್ರದೇಶ ಗೃಹ ಸಚಿವ ನರೋತ್ತಮ ಮಿಶ್ರಾ ಅವರು ಈ ಹೇಳಿಕೆ ಬಗ್ಗೆ ತನಿಖೆ ನಡೆಸಿ, ವರದಿ ಒಪ್ಪಿಸಲು ಪೊಲೀಸರಿಗೆ ಆದೇಶಿಸಿದ್ದಾರೆ.