ವಾಣಿಜ್ಯ ಬಳಕೆ ಸಿಲಿಂಡರ್‌ ಅಗ್ಗ

ಹೊಸದಿಲ್ಲಿ: ವಾಣಿಜ್ಯ ಬಳಕೆಯ ಎಲ್‌ಪಿಜಿ ಸಿಲಿಂಡರ್‌ ದರದಲ್ಲಿ 100 ರೂ. (99.75 ರೂ) ಇಳಿಕೆಯಾಗಿದೆ. ಆದರೆ ರಾಜ್ಯದಿಂದ ರಾಜ್ಯಕ್ಕೆ ಸ್ಥಳೀಯ ತೆರಿಗೆ ವ್ಯಾಪ್ತಿ ಮಿತಿಯನ್ನು ಆಧರಿಸಿ ದರ ವ್ಯತ್ಯಾಸವಾಗಲಿದೆ.

ಬೆಂಗಳೂರಿನಲ್ಲಿ 93 ರೂ. ಇಳಿಕೆಯಾಗಿರುವುದರಿಂದ 19 ಕೆ.ಜಿ. ತೂಕದ ಸಿಲಿಂಡರ್‌ ದರ 1,767.50 ರೂ. ಆಗಿದೆ. ಹೊಸದಿಲ್ಲಿಯಲ್ಲಿ 100 ರೂ. ಇಳಿಕೆಯಾದ ಬಳಿಕ 19 ಕೆ.ಜಿ. ತೂಕದ ಸಿಲಿಂಡರ್‌ಗೆ 1,680 ರೂ. ಇದೆ. ಎಪ್ರಿಲ್‌ನಿಂದ ಆರಂಭವಾಗಿ ಸತತ ಮೂರು ತಿಂಗಳ ಕಾಲ ವಾಣಿಜ್ಯ ಬಳಕೆಯ ಸಿಲಿಂಡರ್‌ ದರ 346.5 ರೂ. ಇಳಿಕೆಯಾಗಿತ್ತು. ಆದರೆ ಗೃಹ ಬಳಕೆ ಅಡುಗೆ ಅನಿಲ ಸಿಲಿಂಡರ್‌ ದರದಲ್ಲಿ ಯಾವುದೇ ಬದಲಾವಣೆ ಆಗಿಲ್ಲ.