Kharge: ಬೆಂಗಳೂರಿಗೆ ಬಂದು ನನ್ನ ಜತೆ ಚರ್ಚೆಗೆ ನಿಲ್ಲಿ: ಪ್ರಧಾನಿ ಮೋದಿಗೆ ಖರ್ಗೆ ಸವಾಲು

ರಾಂಚಿ: “ಗ್ಯಾರಂಟಿಗಳ ಬಗ್ಗೆ ಟೀಕೆ ಮಾಡುವ ಪ್ರಧಾನಿಯವರೇ, ನೀವು ಬೆಂಗಳೂರಿಗೆ ಬಂದು ನನ್ನೊಂದಿಗೆ ಚರ್ಚೆಗೆ ನಿಲ್ಲಿ’ ಎಂದು ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಸವಾಲು ಹಾಕಿದ್ದಾರೆ.

ಜಾರ್ಖಂಡ್ ನ ಹಜಾರಿಭಾಗ್‌ನಲ್ಲಿ ಮಂಗಳವಾರ ಚುನಾವಣಾ ರ್ಯಾಲಿ ನಡೆಸಿ ಮಾತನಾಡಿದ ಅವರು, “ಕರ್ನಾಟಕದಲ್ಲಿ ನಮ್ಮ ಸರ್ಕಾರ 5 ಗ್ಯಾರಂಟಿಗಳನ್ನು ಅನುಷ್ಠಾನ ಮಾಡಿದ ಬಗ್ಗೆ ಪ್ರಧಾನಿ ಗಮನಿಸಲಿ. ಈ ಬಗ್ಗೆ ಅವರು ಬೆಂಗಳೂರಿಗೆ ಬಂದು ನನ್ನ ಜತೆಗೆ ಚರ್ಚೆಗೆ ನಿಲ್ಲಲಿ. ಅದರ ಅನುಕೂಲವನ್ನು ಪರಿಶೀಲಿಸಲಿ. ಯಾರ ಸರ್ಕಾರ ಎಷ್ಟು ಅಭಿವೃದ್ಧಿ ಮಾಡಿದೆ ಎಂಬುದರ ಬಗ್ಗೆ ನಾನೂ ಮಾತಾಡುವೆ’ ಎಂದು ಸವಾಲು ಹಾಕಿದ್ದಾರೆ.