ಡಿಯೋ ಮತ್ತು ಪಲ್ಸರ್ ಬೈಕ್ ಢಿಕ್ಕಿ: ಇಬ್ಬರು ಸಾವು, ಇಬ್ಬರಿಗೆ ಗಾಯ

ಹುಣಸೂರು: ಎರಡು ಬೈಕ್ ಗಳ ನಡುವೆ ನಡೆದ ಅಪಘಾತದಲ್ಲಿ ಇಬ್ಬರು ಸಾವನ್ನಪ್ಪಿದ್ದರೆ, ಮತ್ತಿಬ್ಬರಿಗೆ ತೀವ್ರ ಗಾಯವಾಗಿರುವ ಘಟನೆ ಬಿಳಿಕೆರೆ- ಹಳೇ ಬೀಡು ರಸ್ತೆಯಲ್ಲಿ ಶುಕ್ರವಾರ ಸಂಜೆ ನಡೆದಿದೆ.

ಬಿಳಿಕೆರೆಯಿಂದ ಹಳೇಬೀಡು ಗ್ರಾಮಕ್ಕೆ ಹೋಗುವ ರಸ್ತೆಯಲ್ಲಿ ಮೊರಾರ್ಜಿ ವಸತಿ ಶಾಲೆ ಬಳಿ ಪಲ್ಸರ್ ಬೈಕ್ ಮತ್ತು ಡಿಯೋ ಬೈಕ್ ನಡುವೆ ಅಪಘಾತ ನಡೆದಿದೆ.

ಅಪಘಾತದಲ್ಲಿ ತೆಂಕಲ ಕೊಪ್ಪಲು ಗ್ರಾಮದ ರಾಮಚಂದ್ರ (22ವ) ಮತ್ತು ಇಲವಾಲ ಗ್ರಾಮದ ನವೀನ್ (24 ವ) ಮೃತಪಟ್ಟ ದುರ್ದೈವಿಗಳು. ಅಪಘಾತ ನಡೆದ ಸ್ಥಳದಲ್ಲಿ ವಿಪರೀತ  ರಕ್ತ ಸ್ರಾವವಾಗಿದ್ದು ಅವರನ್ನು ಮೈಸೂರಿನ ಆಸ್ಪತ್ರೆಗೆ ಕರೆದೊಯ್ಯುವಾಗ ಮೃತಪಟ್ಟಿದ್ದಾರೆ.

ಇದನ್ನೂ ಓದಿ: “ಲವ್‌ ಜಿಹಾದ್‌’ ವಿರುದ್ಧ ಸುಗ್ರೀವಾಜ್ಞೆಗೆ ಯೋಗಿ ಚಿಂತನೆ

ಸಹಸವಾರರಾದ ಕೊಪ್ಪಲು ಗ್ರಾಮದ  ಗಿರೀಶ್ ಮತ್ತು ಕೃಷ್ಣ ಕೊಮ್ಮೆ ಗೌಡ ಗಾಯವಾಗಿದ್ದು ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.