ತಮಿಳು, ತೆಲುಗಿನತ್ತ ಹೊರಟ “ಕಾಲೇಜ್‌ ಕುಮಾರ್‌’

ತೆಲುಗು ಮತ್ತು ತಮಿಳಿನ ಸೂಪರ್‌ ಹಿಟ್‌ ಚಿತ್ರಗಳು ಕನ್ನಡಕ್ಕೆ ರಿಮೇಕ್‌ ಆಗುತ್ತವೆ. ಆದರೆ ಕನ್ನಡ ಚಿತ್ರಗಳು ತಮಿಳು ಅಥವಾ ತೆಲುಗಿಗೆ ರಿಮೇಕ್‌ ಆಗೋದು ಅಪರೂಪ ಅನ್ನೋದು ಗಾಂಧಿನಗರದಲ್ಲಿ ಸಾಮಾನ್ಯವಾಗಿ ಕೇಳಿ ಬರುವ ಮಾತು. ಇಂಥ ಮಾತುಗಳ ನಡುವೆಯೇ ಈಗ ಕನ್ನಡದ ಚಿತ್ರವೊಂದು ತಮಿಳು ಮತ್ತು ತೆಲುಗು ಭಾಷೆಗೆ ರಿಮೇಕ್‌ ಆಗಿದ್ದು, ಇದೇ ಮಾರ್ಚ್‌ 6ಕ್ಕೆ ಎರಡೂ ಭಾಷೆಗಳಲ್ಲೂ ತೆರೆಗೆ ಬರುತ್ತಿದೆ.

ಅಂದಹಾಗೆ, ಆ ಚಿತ್ರದ ಹೆಸರು “ಕಾಲೇಜ್‌ ಕುಮಾರ್‌’. ಎರಡು ವರ್ಷಗಳ ಹಿಂದೆ ಕನ್ನಡದಲ್ಲಿ ತೆರೆಗೆ ಬಂದಿದ್ದ “ಕಾಲೇಜ್‌ ಕುಮಾರ್‌’ ಚಿತ್ರ ನಿಮಗೆ ನೆನಪಿರಬಹುದು. ಈಗ ಈ ಚಿತ್ರ ಕನ್ನಡ ಮತ್ತು ತೆಲುಗು ಎರಡೂ ಭಾಷೆಗಳಿಗೂ ರಿಮೇಕ್‌ ಆಗಿದ್ದು, ಇದೇ ಮಾರ್ಚ್‌ ಮೊದಲ ವಾರ ತೆರೆ ಕಾಣುತ್ತಿದೆ.

ಎಲ್‌. ಪದ್ಮನಾಭ ನಿರ್ದೇಶನದ ಈ ಚಿತ್ರಕ್ಕೆ ಹರಿ ಸಂತೋಷ್‌ ಆ್ಯಕ್ಷನ್‌-ಕಟ್‌ ಹೇಳಿದ್ದಾರೆ. ಒಟ್ಟಾರೆ ಕನ್ನಡದಲ್ಲಿ ಸಿನಿಪ್ರಿಯರ ಮನಗೆಲ್ಲುವಲ್ಲಿ ಯಶಸ್ವಿಯಾಗಿದ್ದ “ಕಾಲೇಜ್‌ ಕುಮಾರ್‌’ ತಮಿಳು ಮತ್ತು ತೆಲುಗಿನಲ್ಲಿ ಎಷ್ಟರ ಮಟ್ಟಿಗೆ ಪ್ರೇಕ್ಷಕರಿಗೆ ಇಷ್ಟವಾಗಲಿದ್ದಾನೆ ಅನ್ನೋದು ಇನ್ನೊಂದು ವಾರದಲ್ಲಿ ಗೊತ್ತಾಗಲಿದೆ.