ದಿಢೀರ್‌ ವಿದ್ಯುತ್‌ ವ್ಯತ್ಯಯ ಪರದಾಡಿದ ನಾಗರಿಕರು

ಬೆಂಗಳೂರು: ರಾಯಚೂರು ಶಾಖೋತ್ಪನ್ನ ವಿದ್ಯುತ್‌ ಸ್ಥಾವರದಲ್ಲಿ ಕಾಣಿಸಿಕೊಂಡ ತಾಂತ್ರಿಕ ದೋಷದಿಂದಾಗಿ ವಿದ್ಯುತ್‌ ಉತ್ಪಾದನೆ ದಿಢೀರ್‌ ಕುಸಿತ ಕಂಡಿದೆ. ಇದರಿಂದ ಬೆಂಗಳೂರಿನ ಜನತೆ ತೀವ್ರ ತೊಂದರೆ ಅನುಭವಿಸುವಂತಾಗಿದೆ.. ಬುಧವಾರವೂ ಇದೇ ಪರಿಸ್ಥಿತಿ ಮುಂದುವರಿಯುವ ಸಾಧ್ಯತೆ ಇದೆ.

ಬೆಸ್ಕಾಂ ವ್ಯಾಪ್ತಿಗೆ ಹಂಚಿಕೆಯ ವಿದ್ಯುತ್‌ನಲ್ಲಿ 500 ಮೆಗಾ ವ್ಯಾಟ್‌ ಕೊರತೆ ಸಂಭವಿಸಿದ ಪರಿಣಾಮವಾಗಿ ವಿದ್ಯುತ್‌ ಕೊರತೆ ಉಂಟಾಗಿದೆ.  ನಗರದಲ್ಲಿ ವಿದ್ಯುತ್‌ ವ್ಯತ್ಯಯದ ಬಗ್ಗೆ ಯಾವುದೇ ಪೂರ್ವ ಮಾಹಿತಿ ಇಲ್ಲದೇ ಇರುವುದರಿಂದ ಸಾರ್ವಜನಿಕರು, ಸಣ್ಣ ಉದ್ಯಮಿಗಳು, ಹೋಟೆಲ್‌, ದಿನಿಸಿ ಅಂಗಡಿ ಮೊದಲಾದ ಸ್ಥಳಗಳಲ್ಲಿ ಸಂಜೆಯ ಅಂಧಕಾರ ದಟ್ಟವಾಗಿತ್ತು.

ಬೆಳಗ್ಗೆಯಿಂದಲೇ ವಿದ್ಯುತ್‌ ಕಣ್ಣಾಮುಚ್ಚಾಲೇ ಇದ್ದರೂ. ದಿನವಿಡೀ ವಿದ್ಯುತ್‌ ವ್ಯತ್ಯಯ ಆಗುತ್ತದೇ ಎಂದು ಯಾರೂ ಭಾವಿಸಿರಲಿಲ್ಲ. ಬೆಸ್ಕಾನಿಂದಲೂ ಈ ಬಗ್ಗೆ ಯಾವುದೇ ಸಾರ್ವಜನಿಕ ಮಾಹಿತಿ ನೀಡಿದೇ ಇರುವುದರಿಂದ ಸಮಸ್ಯೆ ಇನ್ನಷ್ಟು ಬಿಗುಡಾಯಿಸಿತ್ತು.

ಮಲ್ಲೇಶ್ವರ, ಜಯನಗರ, ಬಸವನಗುಡಿ, ಚಾಮರಾಜಪೇಟೆ, ರಾಜಾಜಿನಗರ, ಯಶವಂತಪುರ, ಶೇಷಾದ್ರಿಪುರ ಸೇರಿದಂತೆ ಹಲವು ಭಾಗದಲ್ಲಿ ಬೀದಿ ದೀಪಕ್ಕೂ ವಿದ್ಯುತ್‌ ಇರಲಿಲ್ಲ. ನಗರದ ಜನತೆ ಕೆಲಸ ಮುಗಿಸ ಸಂಜೆ ಮನೆಗೆ ಹೋಗಿ ಆರಾಮವಾಗಿ ಟೀವಿ ನೋಡಲು ಸಾಧ್ಯವಾಗಿಲ್ಲ. ಕ್ಯಾಂಡಲ್‌, ಸೋಲಾರ್‌ ಹಾಗೂ ಬ್ಯಾಟರಿ ಲೈಟ್‌ನಲ್ಲಿ  ದಿನ ದೂಡಿದ್ದಾರೆ.

ಬೆಸ್ಲಾಂ ಸಹಾಯವಾಣಿ 1912 ಸಂಪರ್ಕವೇ ಸಿಗುತ್ತಿರಲ್ಲ. ಬುಧವಾರವೂ ಇದೇ ಪರಿಸ್ಥಿತಿ ಮುಂದುವರಿಯುವ ಸಾಧ್ಯತೆ ಇದೆ. ಆರ್‌ಟಿಪಿಎಸ್‌ ಸ್ಥಾವರದಲ್ಲಿ ಎರಡು ಘಟಕಗಳು ಸ್ಥಗಿತಗೊಂಡ ಹಿನ್ನೆಲೆಯಲ್ಲಿ ವಿದ್ಯುತ್‌ ಉತ್ಪಾದನೆಯಲ್ಲಿ ಇಳಿಕೆಯಾಗಿದೆ. ಬೆಸ್ಕಾಂಗೆ ಹಂಚಿಕೆಯಾಗುವ ಸರಾಸರಿ ವಿದ್ಯುತ್‌ನಲ್ಲಿ ಸುಮಾರು 800 ಮೆಗಾವ್ಯಾಟ್‌ ಇಳಿಕೆಯಾಗಿದೆ.

ಐಇಎಕ್ಸ್‌ನಿಂದ ತಕ್ಷಣಕ್ಕೆ 300 ಮೆಗಾವ್ಯಾಟ್‌ ಖರೀದಿಸಿ ಪರಿಸ್ಥಿತಿ ನಿಭಾಯಿಸಲಾಗುತ್ತಿದೆ. ವಿದ್ಯುತ್‌ ವ್ಯತ್ಯಯಕ್ಕೆ ವಿಷಾದಿಸಿರುವ ಬೆಸ್ಕಾಂ ಸಹಕರಿಸುವಂತೆ ಮನವಿ ಮಾಡಿದೆ. ಪರಿಸ್ಥಿತಿ ನಿರ್ವಹಣೆಗಾಗಿ ಇಂಡಿಯನ್‌ ಎನರ್ಜಿ ಎಕ್ಸ್‌ಚೇಂಜ್‌ನಿಂದ (ಐಇಎಕ್ಸ್‌) 300 ಮೆಗಾವ್ಯಾಟ್‌ ವಿದ್ಯುತ್‌ ಪಡೆಯಲಾಗುತ್ತಿದ್ದು, ಬುಧವಾರ ಪೂರೈಕೆ ಸಹಜ ಸ್ಥಿತಿಗೆ ಮರಳುವ ನಿರೀಕ್ಷೆ ಇದೆ ಎಂದು ಬೆಸ್ಕಾಂ ತಿಳಿಸಿದೆ.

ಅಭಾವಕ್ಕೆ ಕಾರಣ: ರಾಯಚೂರು ಆರ್‌ಟಿಪಿಎಸ್‌ ಸ್ಥಾವರದಲ್ಲಿ ತಾಂತ್ರಿಕ ದೋಷದಿಂದ ಎರಡು ಘಟಕಗಳು ಸ್ಥಗಿತಗೊಂಡ ಹಿನ್ನೆಲೆಯಲ್ಲಿ ವಿದ್ಯುತ್‌ ಉತ್ಪಾದನೆ ಕುಸಿತ ಕಂಡಿದೆ. ಒಂದು ಘಟಕದ ದುರಸ್ತಿ ಕಾರ್ಯ ಬಹುತೇಕ ಪೂರ್ಣಗೊಂಡಿದ್ದು, ಸದ್ಯದಲ್ಲೇ ಕಾರ್ಯಾರಂಭವಾಗಲಿದೆ ಎಂದು ಕೆಪಿಸಿಎಲ್‌ ಮೂಲಗಳು ತಿಳಿಸಿವೆ.