Advertisement
ಪ್ರಸ್ತುತ ಅಜ್ಜಿಬೆಟ್ಟು ಕ್ರಾಸ್‌ ಬಳಿಯ ಹೆದ್ದಾರಿ ಕ್ರಾಸಿಂಗ್‌ನಿಂದ ಸಣ್ಣ ವಾಹನಕ್ಕೆ ತೊಂದರೆಯಾಗದೇ ಇದ್ದರೂ, ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣದಿಂದ ಹೊರಡುವ ಬಸ್‌ಗಳಿಗೆ ಹೆದ್ದಾರಿ ಕ್ರಾಸ್‌ ಮಾಡುವುದು ಬಹಳ ತ್ರಾಸದಾಯಕವಾಗುತ್ತಿದೆ. ಬಸ್‌ಗಳು ಹೆಚ್ಚು ಉದ್ದವಿದ್ದು, ಆ ಭಾಗದಿಂದ ಸೂಕ್ತ ಸ್ಥಳಾವಕಾಶ ಇಲ್ಲದೇ ಇರುವುದರಿಂದ ಅವರು ಸಾಕಷ್ಟು ಹೊತ್ತು ಕಾದು ಬಸ್‌ ತಿರುಗಿಸಬೇಕಿದ್ದು, ಬಸ್‌ ಪೂರ್ತಿ ತಿರುಗಿ ಹೋಗುವವರೆಗೆ ಇತರ ವಾಹನಗಳು ನಿಲ್ಲಬೇಕಾದ ಸ್ಥಿತಿ ಇದೆ.
ಜಂಕ್ಷನ್‌ಗೆ ಆಗಮಿಸಿ ಅಲ್ಲಿ ಬಸ್‌ ಅನ್ನು ಕ್ರಾಸ್‌ ಮಾಡಿ ಮತ್ತೆ ನಿಲ್ದಾಣಕ್ಕೆ ಬಂದು ಅಲ್ಲಿಂದ ಅಜ್ಜಿಬೆಟ್ಟು ಕ್ರಾಸ್‌ ಬಳಿ ಡಿವೈಡರ್‌ ಕ್ರಾಸ್‌ ಮಾಡಿ ಹೋಗಬೇಕಿದೆ. ಇದು ಬಸ್ಸಿನ ಚಾಲಕರಿಗೂ ತ್ರಾಸದಾಯಕ ಕೆಲಸವಾಗಿದೆ. ಹೀಗಾಗಿ ನಿಲ್ದಾಣದ ಮುಂಭಾಗದಲ್ಲೇ ಡಿವೈಡರ್‌ ತೆರವುಗೊಂಡರೆ ಎಲ್ಲ ಬಸ್‌ಗಳು ನಿಲ್ದಾಣಕ್ಕೆ ಹೋಗುವ ಬೇಡಿಕೆಯೂ ಈಡೇರಿದಂತಾಗುತ್ತದೆ.
Related Articles
Advertisement
25 ಲಕ್ಷ ರೂ. ಅನುದಾನಬುಡಾದ ಸಭೆಯಲ್ಲಿ ನಿರ್ಣಯಿಸಿ ಸರ್ಕಲ್‌ ನಿರ್ಮಾಣ ಮಾಡುವುದಕ್ಕೆ 25 ಲಕ್ಷ ರೂ. ಅನುದಾನ ಮೀಸಲಿರಿಸಲಾಗಿದೆ. ಹೆದ್ದಾರಿ ಪ್ರಾಧಿಕಾರದಿಂದ ಅನುಮತಿ ಲಭಿಸಿದ ಬಳಿಕ ಟೆಂಡರ್‌ ಕರೆದು ಕಾಮಗಾರಿ ಆರಂಭಿಸಲಾಗುವುದು. ದ.ಕ.ಸಂಸದರು ಕೂಡ ಈ ನಿಟ್ಟಿನಲ್ಲಿ ಪ್ರಯ ತ್ನದಲ್ಲಿದ್ದು, ಅನುಮತಿಗಾಗಿ ಪ್ರಾಧಿ ಕಾರದ ಯೋಜನ ನಿರ್ದೇಶಕರ ಜತೆ ಚರ್ಚಿಸಲಿದ್ದಾರೆ.
-ಬಿ.ದೇವದಾಸ್‌ ಶೆಟ್ಟಿ, ಅಧ್ಯಕ್ಷರು, ಬಂಟ್ವಾಳ ನಗರ ಯೋಜನ ಪ್ರಾಧಿಕಾರ. ಮನವಿ ಸಲ್ಲಿಕೆ
ಹಾಲಿ ಅಜ್ಜಿಬೆಟ್ಟು ಕ್ರಾಸ್‌ ಬಳಿ ಬಸ್‌ಗಳಿಗೆ ಹೆದ್ದಾರಿ ಕ್ರಾಸ್‌ ಮಾಡುವುದಕ್ಕೆ ಸಾಕಷ್ಟು ತೊಂದರೆಗಳಿವೆ. ಈ ನಿಟ್ಟಿನಲ್ಲಿ ಕೆಎಸ್‌ಆರ್‌ಟಿಸಿ ಬಸ್‌ನಿಲ್ದಾಣದ ಮುಂಭಾಗದಲ್ಲೇ ಡಿವೈಡರ್‌ ತೆರೆದು ಬಸ್‌ಗಳು ತಿರುಗುವುದಕ್ಕೆ ಅವಕಾಶ ನೀಡುವಂತೆ ಶಾಸಕರ ನಿರ್ದೇಶನದ ಮೇರೆಗೆ ತಹಶೀಲ್ದಾರ್‌ ಮೂಲಕ ಸಂಬಂಧಪಟ್ಟವರಿಗೆ ಮನವಿ ಸಲ್ಲಿಸಿದ್ದೇವೆ. – ಶ್ರೀಶ ಭಟ್‌, ಘಟಕ ವ್ಯವಸ್ಥಾಪಕರು, ಕೆಎಸ್‌ಆರ್‌ಟಿಸಿ, ಬಿ.ಸಿ.ರೋಡ್‌.