ಚೀನ ಓಪನ್‌: ಸಿಂಧು ಕ್ವಾರ್ಟರ್‌ಫೈನಲಿಗೆ

ಫ‌ುಝೋವು (ಚೀನ): ದ್ವಿತೀಯ ಶ್ರೇಯಾಂಕದ ಪಿವಿ ಸಿಂಧು ಅವರು ಚೀನದ ಹದಿಹರೆಯದ ಹ್ಯಾನ್‌ ಯುಯಿ ಅವರನ್ನು ನೇರ ಗೇಮ್‌ಗಳಿಂದ ಕೆಡಹಿ ಚೀನ ಓಪನ್‌ ಸೂಪರ್‌ ಸೀರೀಸ್‌ ಬ್ಯಾಡ್ಮಿಂಟನ್‌ ಕೂಟದ ಕ್ವಾರ್ಟರ್‌ಫೈನಲಿಗೇರಿದರು. ಇದೇ ವೇಳೆ ಸೈನಾ ನೆಹ್ವಾಲ್‌ ಮತ್ತು ಎಚ್‌ಎಸ್‌ ಪ್ರಣಯ್‌ ದ್ವಿತೀಯ ಸುತ್ತಿನಲ್ಲಿ ಸೋತು ಹೊರಬಿದ್ದರು.

ಶಾಂಘಾçಯಲ್ಲಿ ನಡೆಯುತ್ತಿರುವ ಈ ಕೂಟದಲ್ಲಿ 17ರ ಹರೆಯದ ಯುಯಿ ಮೊದಲ ಗೇಮ್‌ನಲ್ಲಿ ಪ್ರಬಲ ಹೋರಾಟ ನೀಡಲು ಪ್ರಯತ್ನಿಸಿದರು. ಆದರೆ ವಿಶ್ವದ ಎರಡನೇ ರ್‍ಯಾಂಕಿನ ಸಿಂಧು ಉತ್ತಮವಾಗಿ ಆಡಿ 21-15, 21-13 ಗೇಮ್‌ಗಳಿಂದ ಜಯ ಸಾಧಿಸಿದರು. ಇದೀಗ ಸಿಂಧು ಮಾತ್ರ ಈ ಕೂಟದ ಸ್ಪರ್ಧೆಯಲ್ಲಿ ಉಳಿದ ಭಾರತದ ಏಕೈಕ ಆಟಗಾರ್ತಿಯಾಗಿದ್ದಾರೆ. 

ಕಳೆದ ವಾರ ನಡೆದ ರಾಷ್ಟ್ರೀಯ ಬ್ಯಾಡ್ಮಿಂಟನ್‌ ಕೂಟದ ಪ್ರಶಸ್ತಿ ಗೆದ್ದಿರುವ ಸೈನಾ ಮತ್ತು ಪ್ರಣಯ್‌ ದ್ವಿತೀಯ ಸುತ್ತಿನಲ್ಲಿ ತಮ್ಮ ಹೋರಾಟ ಅಂತ್ಯಗೊಳಿಸಿದರು. ಪ್ರಣಯ್‌ ಚೀನದ ಚ್ಯುಕ್‌ ಯಿಯು ಲೀ ಅವರೆದುರು 19-21, 17-21 ಗೇಮ್‌ಗಳಿಂದ ಶರಣಾದರೆ ಸೈನಾ ವಿಶ್ವದ ನಾಲ್ಕನೇ ರ್‍ಯಾಂಕಿನ ಆಕನೆ ಯಮಗುಚಿ ಕೈಯಲ್ಲಿ 18-21, 11-21 ಗೇಮ್‌ಗಳಿಂದ ಸೋತು ಹೊರಬಿದ್ದರು.