China: ಪಿಎಲ್‌ಎ 9 ಜನರಲ್‌ಗ‌ಳ ವಜಾ

ಬೀಜಿಂಗ್‌: ಚೀನದ ಸೇನಾ ಪಡೆ ಪೀಪಲ್ಸ್‌ ಲಿಬರೇಶನ್‌ ಆರ್ಮಿ(ಪಿಎಲ್‌ಎ)ಯ ಉನ್ನತ ಮಟ್ಟದ 9 ಜನರಲ್‌ ಅಧಿಕಾರಿಗಳನ್ನು ಚೀನದ ಸಂಸತ್ತಿನಿಂದ ವಜಾಗೊಳಿಸಿರುವ ಅಚ್ಚರಿಯ ಬೆಳವಣಿಗೆ ಶನಿವಾರ ವರದಿಯಾಗಿದೆ. ಸ್ಥಳೀಯ ಮಾಧ್ಯಮಗಳ ವರದಿಗಳ ಪ್ರಕಾರ, ಚೀನದ ಸಂಸತ್ತಾಗಿರುವ ನ್ಯಾಶನಲ್‌ ಪೀಪಲ್ಸ್‌ ಕಾಂಗ್ರೆಸ್‌ (ಎನ್‌ಪಿಸಿ)ನಿಂದ ವಜಾಗೊಂಡವರಲ್ಲಿ ದೇಶದ ಕ್ಷಿಪಣಿ ವ್ಯವಸ್ಥೆ ಯನ್ನು ನಿರ್ವಹಿಸುವ ಪಿಎಲ್‌ಎ ರಾಕೆಟ್‌ ಫೋರ್ಸ್‌ನ 5 ಮಂದಿ ಹಾಲಿ ಅಥವಾ ಮಾಜಿ ಉನ್ನತ ಕಮಾಂಡರ್‌ಗಳು ಹಾಗೂ ವಾಯುಪಡೆಯ ಓರ್ವ ಮಾಜಿ ಕಮಾಂಡರ್‌ ಕೂಡ ಸೇರಿದ್ದಾರೆ ಎನ್ನಲಾಗಿದೆ.