14 ವರ್ಷಕ್ಕಿಂತ ಕಿರಿಯರಿಗೆ ಮೊಸರು ಗಡಿಗೆ ಸ್ಪರ್ಧೆ ನಿಷೇಧ

ಮುಂಬಯಿ: 14 ವರ್ಷ ಕೆಳಗಿನ ಮಕ್ಕಳಿಗೆ ದಹೀ ಹಂಡಿ (ಮೊಸರು ಗಡಿಗೆ) ಉತ್ಸವದಲ್ಲಿ ಪಾಲ್ಗೊಳ್ಳಲು ಅನುವು ಮಾಡಿಕೊಡುವುದಿಲ್ಲ ಎಂದು ಮಹಾರಾಷ್ಟ್ರ ಸರಕಾರವು ಬಾಂಬೆ ಹೈಕೋರ್ಟ್‌ಗೆ ತಿಳಿಸಿದ್ದು, ಇದನ್ನು ನ್ಯಾಯಾಲಯ ಸ್ವೀಕರಿಸಿದೆ.

ಅಪ್ರಾಪ್ತ ವಯಸ್ಕರು ದಹಿ ಹಂಡಿ ಕ್ರೀಡೆಯಲ್ಲಿ ಪಾಲ್ಗೊಳ್ಳುವುದನ್ನು ತಡೆಯಬೇಕೆಂದು ಕೋರಿ ಮುಂಬಯಿ ನಿವಾಸಿಗಳು ಕೋರ್ಟ್‌ಗೆ ಅರ್ಜಿ ಸಲ್ಲಿಸಿದ್ದರು. ಈ ಕ್ರೀಡೆ ಯಲ್ಲಿ ಭಾಗವಹಿಸುವವರ ವಯಸ್ಸು ಮತ್ತು ಮಾನವ ಪಿರಮಿಡ್‌ ಎತ್ತರದ ಮೇಲೆ ನಿರ್ಬಂಧ ವಿಧಿಸುವ ಅಧಿಕಾರ ನಮಗಿಲ್ಲ ಎಂದಿರುವ ಕೋರ್ಟ್‌, ಇದು ಶಾಸಕಾಂಗ ದಲ್ಲಿ ನಿರ್ಧರಿತವಾಗಬೇಕಿರುವ ವಿಷಯ ಎಂದಿದೆ. ಅಲ್ಲದೇ ಈ ಕುರಿತು ಸರಕಾರದ ಹೇಳಿಕೆಯನ್ನು ಸ್ವಾಗತಿಸು ವುದಾಗಿ ಹೇಳಿದೆ. ಮಹಾರಾಷ್ಟ್ರ ಸರಕಾರ 14 ಕೆಳಗಿನ ಮಕ್ಕಳಿಗೆ ಈ ಕ್ರೀಡೆಯನ್ನು ನಿಷೇಧಿಸಿದೆ. ಅದರೆ ಎತ್ತರದ ಮೇಲೆ ನಿಷೇಧ ಇಲ್ಲ ಎಂದು ಹೇಳಿದೆ.