Advertisement

ಮಗಳ ಶವವನ್ನು 10 ಕಿ.ಮೀ. ಹೊತ್ತು ನಡೆದ ಅಪ್ಪ

09:57 PM Mar 26, 2022 | Team Udayavani |

ಅಂಬಿಕಾಪುರ (ಛತ್ತೀಸಗಢ):ಛತ್ತೀಸ್‌ಗಡದ ಸರ್ಗುಜಾ ಜಿಲ್ಲೆಯಲ್ಲಿ ತಂದೆ ಅಸುನೀಗಿದ 7 ವರ್ಷದ ಪುತ್ರಿಯನ್ನು ಎತ್ತಿಕೊಂಡು ಹೋಗುತ್ತಿರುವ ಫೋಟೋ-ವಿಡಿಯೋ ದೇಶಾದ್ಯಂತ ವೈರಲ್‌ ಆಗಿದೆ.

Advertisement

ಜಿಲ್ಲೆಯ ಅಮ್ದಲಾ ಎಂಬ ಗ್ರಾಮದ ಈಶ್ವರದಾಸ್‌ ಎಂಬುವರು ಜ್ವರದಿಂದ ಬಳಲುತ್ತಿರುವ ಪುತ್ರಿಯನ್ನು ಲಖನ್‌ಪುರದಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಬಂದಿದ್ದರು. ಆದರೆ, ಅಲ್ಲಿ ಚಿಕಿತ್ಸೆ ಫ‌ಲಕಾರಿಯಾಗದೆ ಆಕೆ ಅಸುನೀಗಿದ್ದಾಳೆ. ಜತೆಗೆ ಆಮ್ಲಜನಕದ ಪ್ರಮಾಣವೂ ಕುಸಿದು ಹೋಗಿತ್ತು ಎಂದು ಡಾ. ವಿನೋದ್‌ ಭಾರ್ಗವ್‌ ತಿಳಿಸಿದ್ದಾರೆ.

ಸ್ವಗ್ರಾಮಕ್ಕೆ ಮೃತದೇಹವನ್ನು ತೆಗೆದುಕೊಂಡು ಹೋಗಲು ಆ್ಯಂಬ್ಯುಲೆನ್ಸ್‌ ಬರುತ್ತದೆ ಎಂದು ಈಶ್ವರದಾಸ್‌ಗೆ ಆರೋಗ್ಯ ಕೇಂದ್ರದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಆ್ಯಂಬುಲೆನ್ಸ್‌ ಸಕಾಲಕ್ಕೆ ಆಗಮಿಸದೇ ಇದ್ದಿದ್ದರಿಂದ ಅಪ್ಪ ಮಗಳ ಶವವನ್ನು ಹೊತ್ತುಕೊಂಡೇ 10 ಕಿ.ಮೀ. ನಡೆದಿದ್ದಾರೆ. ಆ ಹೊತ್ತಿನಲ್ಲಿ ಆ್ಯಂಬುಲೆನ್ಸ್‌ ಆಗಮಿಸಿದೆ.

ಈ ವಿಡಿಯೊ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ, ತೀವ್ರ ಟೀಕೆಗಳು ಕೇಳಿಬಂದಿವೆ. ಈ ಬಗ್ಗೆ ತನಿಖೆಗೆ ಆರೋಗ್ಯ ಸಚಿವ ಟಿ.ಎಸ್‌.ಸಿಂಗ್‌ ದೇವ್‌ ಆದೇಶಿಸಿದ್ದಾರೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next