ಚೇತನಾಹಳ್ಳಿ ಕುಚಿಲಪಾದೆ : ಕಲ್ಲಿನ ಶಿಲ್ಪ ಕಾರ್ಯದಿಂದ ಸ್ಥಳೀಯರಿಗೆ ತೊಂದರೆ; ದೂರು

ಕಾರ್ಕಳ: ಅತ್ತೂರು ಸಮೀಪದ ಚೇತನಾಹಳ್ಳಿ ಕುಚಿಲಪಾದೆ ಎಂಬಲ್ಲಿ ಶಿಲ್ಪಕಲೆಯ ಕೆಲಸ ಕಾರ್ಯಗಳು ನಿರಂತರವಾಗಿ ನಡೆಯುತ್ತಿರುವುದರಿಂದ ಕಲ್ಲಿನ ಹುಡಿಯಿಂದಾಗಿ ತೊಂದರೆಯಾಗುತ್ತಿದೆ ಎಂದು ಸ್ಥಳೀಯರು ಡಿಸಿಗೆ ದೂರು ನೀಡಿದ್ದಾರೆ.

ಕಳೆದ 5 ವರ್ಷಗಳಿಂದ ಕಲ್ಲಿನ ಕೆತ್ತನೆ ಕಾರ್ಯ ನಡೆಯುತ್ತಿದ್ದು, ಅದು ಹೊರ ಸೂಸುವ ಹುಡಿಯಿಂದಾಗಿ ಅಸ್ತಮಾ, ತುರಿಕೆ ಮೊದಲಾದ ಆರೋಗ್ಯ ಸಮಸ್ಯೆ ಕಂಡುಬಂದಿವೆ. ಬಾವಿ ನೀರಿಗೂ ಕಲ್ಲಿನ ಹುಡಿ ಸೇರುತ್ತಿದೆ. ಶಬ್ದ ಮಾಲಿನ್ಯದಿಂದಲೂ ತೊಂದರೆಯಾಗಿದೆ ಎಂದು ಸ್ಥಳೀಯರು ನೀಡಿರುವ ದೂರಿನಲ್ಲಿ ತಿಳಿಸಲಾಗಿದೆ.