ಪಿ. ಇನಿಯನ್‌ಗೆ ಗ್ರ್ಯಾನ್‌ ಮಾಸ್ಟರ್‌ ಪಟ್ಟ

ಪ್ಯಾರಿಸ್‌: ತಮಿಳುನಾಡಿನ ಈರೋಡ್‌ನ‌ 16 ವರ್ಷದ ತರುಣ ಪಿ. ಇನಿಯನ್‌ ಚೆಸ್‌ನಲ್ಲಿ ಭಾರತದ 61ನೇ ಗ್ರ್ಯಾನ್‌ಮಾಸ್ಟರ್‌ ಆಗಿ ಹೊರಹೊಮ್ಮಿದ್ದಾರೆ. ಫ್ರಾನ್ಸ್‌ನಲ್ಲಿ ನಡೆಯುತ್ತಿರುವ ನೈಸಿಲ್‌ ಓಪನ್‌ ಕೂಟದ 6ನೇ ಸುತ್ತಿನಲ್ಲಿ, ಖ್ಯಾತ ಆಟಗಾರ, ಉಕ್ರೇನಿನ ಸೆರ್ಗೆಯ್‌ ಫೆದರ್ಚಕ್‌ ಅವರನ್ನು ಸೋಲಿಸುವ ಮೂಲಕ ಇನಿಯನ್‌ ಈ ಗೌರವಕ್ಕೆ ಪಾತ್ರರಾದರು. ಈ ಸಾಧನೆಯಿಂದ ಅವರು 2500 ಇಎಲ್‌ಒ ಅಂಕ ದಾಟಿದರು. ಇದರಿಂದ ಇನಿಯನ್‌ ಅವರಿಗೆ ಗ್ರ್ಯಾನ್‌ ಮಾಸ್ಟರ್‌ ಅರ್ಹತೆ ಲಭಿಸಿತು.