Chess Olympiad: ಚೀನ, ಜಾರ್ಜಿಯ ವಿರುದ್ಧ ಭಾರತಕ್ಕೆ ಜಯ

ಬುಡಾಪೆಸ್ಟ್‌ (ಹಂಗೇರಿ): ಇಲ್ಲಿ ನಡೆಯುತ್ತಿರುವ ಒಲಿಂಪಿಯಾಡ್‌ ಚೆಸ್‌ ಪಂದ್ಯಾವಳಿಯಲ್ಲಿ ಭಾರತದ ಗೆಲುವಿನ ಓಟ ಮುಂದುವರಿದಿದೆ. 7ನೇ ಸುತ್ತಿನಲ್ಲೂ ಗೆದ್ದಿರುವ ಭಾರತದ ಪುರುಷರ ಮತ್ತು ಮಹಿಳಾ ತಂಡ ತಲಾ 14 ಅಂಕಗಳೊಂದಿಗೆ ಪಂದ್ಯಾವಳಿಯ ಅಜೇಯ ತಂಡವಾಗಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಮುಂದುವರಿದಿದೆ.

7ನೇ ಸುತ್ತಿನ ಸ್ಪರ್ಧೆಯಲ್ಲಿ ಭಾರತದ ಪುರುಷರ ತಂಡ ಚೀನ ವಿರುದ್ಧ 2.5-1.5ರ ಗೆಲುವು ದಾಖಲಿಸಿದೆ. ಭಾರತದ ಡಿ. ಗುಕೇಶ್‌, ಚೀನದ ವೆಯ್‌ ಇ ಅವರನ್ನು ಮಣಿಸಿದ್ದರಿಂದ ತಂಡದ ಗೆಲುವು ಸುಲಭವಾಯಿತು. ಮಹಿಳಾ ವಿಭಾಗದಲ್ಲಿ ಆರ್‌. ವೈಶಾಲಿ, ವಂತಿಕಾ ಅಗರ್ವಾಲ್‌ ಗೆಲುವಿನೊಂದಿಗೆ ಮಹಿಳಾ ತಂಡ ಜಾರ್ಜಿಯ ವಿರುದ್ಧ ಮೇಲುಗೈ ಸಾಧಿಸಿತು.