Advertisement
ಪ್ರಸಕ್ತ ಋತುವಿನ ಮೂಲಕ ಐಪಿಎಲ್‌ ಪಂದ್ಯಗಳು ದೇಶಾದ್ಯಂತ ಪಸರಿಸಿವೆ. ಜತೆಗೆ ಚಿಯರ್‌ ಲೀಡರ್ ಕೂಡ ಮರಳಿ ಪ್ರತ್ಯಕ್ಷರಾಗಿದ್ದಾರೆ. ಇದಕ್ಕೆ ಸಂಬಂಧಿಸಿದಂತೆ ಬಿಸಿಸಿಐ ಅಥವಾ ಐಪಿಎಲ್‌ ಸಂಘಟನ ಸಮಿತಿ ಯಾವುದೇ ಹೇಳಿಕೆ ನೀಡಿರಲಿಲ್ಲ. ಪಂದ್ಯಾವಳಿ ಆರಂಭಗೊಂಡು ಇವರೆಲ್ಲ ಹಾರಾಡತೊಡಗಿದಾಗಲೇ ಕ್ರಿಕೆಟ್‌ ಅಭಿಮಾನಿಗಳಿಗೆ ಇದು ತಿಳಿದದ್ದು!
ಈ ನಿಟ್ಟಿನಲ್ಲಿ ಆರ್‌ಸಿಬಿ ವಿಭಿನ್ನ ಪ್ರಯತ್ನ ಮಾಡಿದೆ. ರವಿವಾರದ ಪಂದ್ಯದ ವೇಳೆ ಹಸಿರುಡುಗೆ ತೊಟ್ಟ ಸಂಗೀತಗಾರರ ತಂಡವೊಂದು ತಂಡಕ್ಕೆ “ಚಿಯರ್‌’ ಹೇಳುತ್ತಿದ್ದ ದೃಶ್ಯ ಕಂಡು ಬಂತು.
ಇದು “ಆ್ಯಂಪಿಯರ್‌ ಟೇಕ್‌ ಚಾರ್ಜ್‌ ಸ್ಕ್ವಾಡ್‌’ ಹೆಸರಿನ ತಂಡವಾಗಿತ್ತು. ವಾಹನ ಹಾಗೂ ಇನ್ನಿತರ ಗೃಹೋ ಪಯೋಗಿ ವಸ್ತುಗಳ ಬಿಡಿ ಭಾಗಗಳನ್ನು ಬಳಸಿ ತಯಾರಿಸಲಾದ ಸಂಗೀತ ಉಪಕರಣಗಳನ್ನು ಇವರು ಹೊಂದಿದ್ದರು. ಇವರ ಹಸಿರು ಉಡುಗೆ ಯನ್ನು ಮರುಬಳಕೆಯ ವಸ್ತುಗಳಿಂದ ತಯಾರಿಸಲಾಗಿತ್ತು.