ChatGPT: ಪ್ರಧಾನಿ ಮೋದಿ ಭೇಟಿಯಾದ ಚಾಟ್‌ ಜಿಪಿಟಿ ಸೃಷ್ಟಿಕರ್ತ ಸ್ಯಾಮ್ ಆಲ್ಟ್ಮನ್

ಹೊಸದಿಲ್ಲಿ: ಓಪನ್ ಎಐ ಸಿಇಓ ಸ್ಯಾಮ್ ಆಲ್ಟ್ಮನ್ ಅವರು ಭಾರತಕ್ಕೆ ಭೇಟಿ ನೀಡಿದ್ದು, ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಭಾರತದಲ್ಲಿ ಎಐ ತಂತ್ರಜ್ಞಾನದ ಭವಿಷ್ಯ ಮತ್ತು ದುಷ್ಪರಿಣಾಮಗಳ ಬಗ್ಗೆ ಚರ್ಚೆ ನಡೆಸಿದ್ದಾರೆ.

ನರೇಂದ್ರ ಮೋದಿಯವರು ಕೃತಕ ಬುದ್ಧಿಮತ್ತೆಯ ಬಗ್ಗೆ ಹೆಚ್ಚಿನ ಉತ್ಸಾಹ ಮತ್ತು ಚಿಂತನಶೀಲತೆಯನ್ನು ತೋರಿಸಿದ್ದರಿಂದ ಪ್ರಧಾನಿಯವರೊಂದಿಗಿನ ಭೇಟಿಯು ಆನಂದದಾಯಕವಾಗಿತ್ತು ಎಂದು ಸ್ಯಾಮ್ ಆಲ್ಟ್ಮನ್ ಹೇಳಿದ್ದಾರೆ.

ಇದನ್ನೂ ಓದಿ:ಟಿಕೆಟ್‌ ಖಚಿತ, ಕಾಮಿಡಿ ಉಚಿತ, ಖುಷಿ ನಿಶ್ಚಿತ!: ‘ದರ್ಬಾರ್’ ಸಿನಿಮಾ ಇಂದು ಬಿಡುಗಡೆ

ಆಲ್ಟ್ಮನ್ ಅವರು ಸಭೆಯ ಬಗ್ಗೆ ತಮ್ಮ ತೃಪ್ತಿಯನ್ನು ವ್ಯಕ್ತಪಡಿಸಿದರು, ಎಐ ಮತ್ತು ಅದರ ಪ್ರಯೋಜನಗಳ ಕುರಿತು ಮೋದಿಯವರ ಉತ್ಸಾಹ ಮತ್ತು ಚಿಂತನಶೀಲ ಒಳನೋಟಗಳನ್ನು ಅವರು ಶ್ಲಾಘಿಸಿದರು. ಭಾರತವು ಚಾಟ್‌ ಜಿಪಿಟಿ, ಓಪನ್‌ ಎಐನ ಎಐ ಚಾಟ್‌ ಬಾಟ್ ಅನ್ನು ಏಕೆ ತುಂಬಾ ಉತ್ಸುಕತೆಯಿಂದ ಮತ್ತು ಆರಂಭದಲ್ಲಿ ಸ್ವೀಕರಿಸಿದೆ ಎಂದು ಆಲ್ಟ್‌ಮ್ಯಾನ್ ಕೇಳಿದರು ಮತ್ತು ಮೋದಿ ಉತ್ತಮ ಉತ್ತರಗಳನ್ನು ನೀಡಿದರು ಎಂದರು.