Charmady: ಹಗಲಲ್ಲೇ ತೋಟಕ್ಕೆ ಕಾಡಾನೆ ದಾಳಿ!

ಬೆಳ್ತಂಗಡಿ: ಚಾರ್ಮಾಡಿಯಲ್ಲಿ ಎರಡು ದಿನಗಳಿಂದ ಕಾಡಾನೆ ಹಗಲಲ್ಲೇ ಕೃಷಿ ತೋಟಗಳಿಗೆ ದಾಳಿ ಇಟ್ಟು ಹಾನಿ ಉಂಟು ಮಾಡುತ್ತಿದೆ.

ಅನಾರು ವಿಶ್ವನಾಥ, ರಘುನಾಥ ವಸಂತ, ಕೋಡಿಹಿತ್ತಿಲು ಬಾಬು ಗೌಡ ಮೊದಲಾದವರ ತೋಟಗಳ 150ಕ್ಕಿಂತ ಅಧಿಕ ಅಡಿಕೆ ಮರ, ತೆಂಗಿನ ಮರ, ಬಾಳೆ ಗಿಡಗಳನ್ನು ಧ್ವಂಸ ಮಾಡಿದೆ.

ಸ್ಥಳೀಯರು ಕಾಡಾನೆಯನ್ನು ಓಡಿಸಿದ್ದು ಸಮೀಪದ ಅರಣ್ಯದಲ್ಲಿ ಬೀಡು ಬಿಟ್ಟಿದೆ. ಮತ್ತೆ ತೋಟಗಳಿಗೆ ದಾಳಿ ಇಡುವ ಸಾಧ್ಯತೆ ಇದೆ ಎನ್ನಲಾಗಿದೆ. ಇನ್ನೆರಡು ಕಾಡಾನೆಗಳ ಹಿಂಡು ಇರುವುದಾಗ ಸ್ಥಳೀಯರು ತಿಳಿಸಿದ್ದಾರೆ.