ಚಂದ್ರಯಾನ 2 ಎಪ್ರಿಲ್‌ನಲ್ಲಿ ಅಲ್ಲ; ಅಕ್ಟೋಬರ್‌ನಲ್ಲಿ : ISRO ಅಧ್ಯಕ್ಷ

ಹೊಸದಿಲ್ಲಿ : ಮುಂದಿನ ಎಪ್ರಿಲ್‌ ತಿಂಗಳಲ್ಲಿ ಕೈಗೊಳ್ಳಲು ಉದ್ದೇಶಿಸಲಾಗಿದ್ದ ಚಂದ್ರಯಾನ 2 ಬಾಹ್ಯಾಕಾಶ ಅಭಿಯಾನವನ್ನು ಇದೀಗ ಅಕ್ಟೋಬರ್‌ಗೆ ಮುಂದೂಡಲಾಗಿದೆ.

ಚಂದ್ರಯಾನ 2 ಅಭಿಯಾನದ ಪರಿಣತರು ಕೆಲವೊಂದು ಪೂರ್ವಭಾವಿ ಪರೀಕ್ಷೆಗಳನ್ನು ಸೂಚಿಸಿರುವುದರಿಂದ ಇದನ್ನು ಅಕ್ಟೋಬರ್‌ನಲ್ಲಿ ಆರಂಭಿಸಲು ನಿರ್ಧರಿಸಲಾಗಿದೆ ಎಂದು ಇಸ್ರೋ ಅಧ್ಯಕ್ಷ ಕೆ ಶಿವನ್‌ ತಿಳಿಸಿದರು. 

“ಚಂದ್ರಯಾನ 2 ಎಪ್ರಿಲ್‌ನಲ್ಲಿ ಅಲ್ಲ; ಅಕ್ಟೋಬರ್‌ನಲ್ಲಿ ಆರಂಭಗೊಳ್ಳಲಿದೆ’ ಎಂದು ಇಲ್ಲಿನ ವಿಮಾನ ನಿಲ್ದಾಣದಲ್ಲಿ ಅವರು ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ಹೇಳಿದರು. 

800 ಕೋಟಿ ರೂ. ವೆಚ್ಚದ ಚಂದ್ರಯಾನ 2 ಬಾಹ್ಯಾಕಾಶ ಅಭಿಯಾನವು 2018ರ ಎಪ್ರಿಲ್‌ – ನವೆಂಬರ್‌ ನಡುವೆ ಆರಂಭಗೊಳ್ಳಲಿದೆ ಎಂದು ಇಸ್ರೋ ಅಧ್ಯಕ್ಷ ಶಿವನ್‌ ಈ ಹಿಂದೆ ಹೇಳಿದ್ದರು.