ನಾಯ್ಡು ಪುತ್ರ ಲೋಕೇಶ್‌ ಸಹಿತ 7 ಮಂದಿ ಆಂಧ್ರ ವಿಧಾನ ಪರಿಷತ್ತಿಗೆ

ಅಮರಾವತಿ : ಆಂಧ್ರ ಪ್ರದೇಶ ವಿಧಾನ ಪರಿಷತ್ತಿಗೆ ಶಾಸಕರ ಕೋಟಾದಡಿ ಅವಿರೋಧವಾಗಿ ಆಯ್ಕೆಯಾಗಿರುವ ಏಳು ಮಂದಿ ಅಭ್ಯರ್ಥಿಗಳಲ್ಲಿ ಆಂಧ್ರ ಪ್ರದೇಶ ಮುಖ್ಯಮಂತ್ರಿ ಎನ್‌ ಚಂದ್ರಬಾಬು ನಾಯ್ಡು ಅವರ ಪುತ್ರ, ಟಿಡಿಪಿ ನಾಯಕ, ನಾರಾ ಲೋಕೇಶ್‌ ಅವರು ಕೂಡ ಒಬ್ಬರಾಗಿದ್ದಾರೆ. 

ಲೋಕೇಶ್‌ ಅವರು ಮಾತ್ರವಲ್ಲದೆ ಇತರ ನಾಲ್ಕು ಟಿಡಿಪಿ ಅಭ್ಯರ್ಥಿಗಳು, ಹಾಗೂ ಜಗನ್‌ ಮೋಹನ್‌ ರೆಡ್ಡಿ ನೇತೃತ್ವದ ವೈಎಸ್‌ಆರ್‌ ಕಾಂಗ್ರೆಸ್‌ ಪಕ್ಷ ಇಬ್ಬರು ನಾಮಾಂಕಿತರು ಸೇರಿದಂತೆ ವಿಧಾನ ಪರಿಷತ್ತಿಗೆ ಒಟ್ಟು ಏಳು ಮಂದಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಇದೇ ಮಾರ್ಚ್‌ 29ರಂದು ತಮ್ಮ ಆರು ವರ್ಷಗಳ ಅವಧಿಯನ್ನು ಕೊನೆಗೊಳಿಸಲಿರುವ ಏಳು ಮಂದಿ ಲವಿಧಾನ ಪರಿಷತ್‌ ಶಾಸಕರಿಂದ ತೆರವಾಗುವ ಸ್ಥಾನಗಳನ್ನು ತುಂಬವವರೆಂದರೆ ಲೋಕೇಶ್‌, ಡಿ ಎಂ ವರಪ್ರಸಾದ್‌, ಕೆ ಬಾಲರಾಮಕೃಷ್ಣ ಮೂರ್ತಿ, ಪಿ ಸುನಿತಾ ಮತ್ತು ಬಿ ಅರ್ಜುನುಡು (ಎಲ್ಲರೂ ಟಿಡಿಪಿ), ಮತ್ತು ವೈಎಸ್‌ಆರ್‌ನ ಎ ಶ್ರೀನಿವಾಸ್‌ ಅಲಿಯಾಸ್‌ ನಾನಿ ಮತ್ತು ಜಿ ಪ್ರಭಾಕರ ರೆಡ್ಡಿ.