ಅಡ್ವಾಣಿ ಆಪ್ತ ಚಂದನ್‌ ಮಿತ್ರಾ ಬಿಜೆಪಿ ತೊರೆದು ಟಿಎಂಸಿಗೆ

ಕೋಲ್ಕತಾ: ಹಿರಿಯ ಪತ್ರಕರ್ತ,2 ಬಾರಿಯ ರಾಜ್ಯ ಸಭಾ ಸದಸ್ಯ ಚಂದನ್‌ ಮಿತ್ರಾ ಬಿಜೆಪಿ ತೊರೆದಿದ್ದು , ಶೀಘ್ರದಲ್ಲೇ ಟಿಎಂಸಿ ಸೇರ್ಪಡೆಯಾಗುವ ಸಾಧ್ಯತೆಗಳಿವೆ. 

ಅಮಿತ್‌ ಶಾ ಅವರಿಗೆ ಮಿತ್ರಾ ಅವರು ಬುಧವಾರ ರಾಜೀನಾಮೆ ಸಲ್ಲಿಸಿರುವ ಬಗ್ಗೆ ತಿಳಿದು ಬಂದಿದೆ. ಜುಲೈ 21 ರಂದು ತೃಣಮೂಲ ಕಾಂಗ್ರೆಸ್‌ ಶಹೀದ್‌ ದಿವಸ್‌ ಆಚರಿಸುತ್ತಿದ್ದು  ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರ ಸಮ್ಮುಖದಲ್ಲಿ  ಮಿತ್ರಾ ಪಕ್ಷ ಸೇರ್ಪಡೆಯಾಗಲಿದ್ದಾರೆ ಎಂದು ತಿಳಿದು ಬಂದಿದೆ. 

ಹಿರಿಯ ಬಿಜೆಪಿ ನಾಯಕ , ಮಾಜಿ ಉಪ ಪ್ರಧಾನಿ ಲಾಲ್‌ ಕೃಷ್ಣ ಅಡ್ವಾಣಿ ಅವರ ಆಪ್ತರಲ್ಲಿ  ಪಯನಿಯರ್‌ ಪತ್ರಿಕೆಯ ಮುಖ್ಯ ಸಂಪಾದಕರಾಗಿದ್ದ ಮಿತ್ರಾ ಓರ್ವರಾಗಿದ್ದರು. ಮೋದಿ-ಶಾ ನಾಯಕತ್ವದಲ್ಲಿ ಬದಿಗೆ ತಳ್ಳಲ್‌ಪಟ್ಟ ಕಾರಣದಿಂದ ತೀವ್ರ ಅಸಮಾಧಾನದಿಂದ ಪಕ್ಷ ತೊರೆದಿದ್ದಾರೆ ಎನ್ನಾಲಾಗಿದೆ.