ಬಾಂಗ್ಲಾದೇಶ ವಿರುದ್ಧದ ನಾಗ್ಪುರ ಟಿ20 ಪಂದ್ಯದಲ್ಲಿ ಹ್ಯಾಟ್ರಿಕ್‌ ಸಾಧನೆಯೊಂದಿಗೆ ಮೆರೆದ ದೀಪಕ್‌ ಚಹರ್‌, ಮೂರೇ ದಿನಗಳಲ್ಲಿ ಮತ್ತೂಂದು ಹ್ಯಾಟ್ರಿಕ್‌ ಗಳಿಸಿದ್ದಾರೆ. ಮಂಗಳವಾರ ಇಲ್ಲಿ ನಡೆದ ವಿದರ್ಭ ವಿರುದ್ಧದ ಸಯ್ಯದ್‌ ಮುಷ್ತಾಕ್‌ ಅಲಿ ಟಿ20 ಪಂದ್ಯದಲ್ಲಿ ರಾಜಸ್ಥಾನವನ್ನು ಪ್ರತಿನಿಧಿಸಿದ ಚಹರ್‌ ಒಂದೇ ಓವರಿನಲ್ಲಿ 4 ವಿಕೆಟ್‌ ಕಿತ್ತು ಮೆರೆದರು. ಇದರಲ್ಲಿ ಕೊನೆಯ 3 ವಿಕೆಟ್‌ ಸತತ ಎಸೆತಗಳಲ್ಲಿ ಉರುಳಿದ್ದವು.
Advertisement
ಅಂತಿಮ ಓವರ್‌ನಲ್ಲಿ ಮ್ಯಾಜಿಕ್ಮಳೆಯಿಂದಾಗಿ ಈ ಪಂದ್ಯ 13 ಓವರ್‌ಗಳಿಗೆ ಸೀಮಿತಗೊಂಡಿತ್ತು. ವಿದರ್ಭ ಮೊದಲು ಬ್ಯಾಟಿಂಗ್‌ ಮಾಡುವ ಅವಕಾಶ ಪಡೆದಿತ್ತು. ಅಂತಿಮ ಓವರ್‌ ಎಸೆಯಲು ಬಂದ ಚಹರ್‌, ಮೊದಲ ಎಸೆತದಲ್ಲಿ ರಿಷಭ್‌ ರಾಠೊಡ್‌ ವಿಕೆಟ್‌ ಕಿತ್ತರು. ಕೊನೆಯ 3 ಎಸೆತಗಳಲ್ಲಿ ದರ್ಶನ್‌ ನಲ್ಕಂಡೆ, ಶ್ರೀಕಾಂತ್‌ ವಾಘ… ಮತ್ತು ಅಕ್ಷಯ್‌ ವಾಡ್ಕರ್‌ ವಿಕೆಟ್‌ ಉರುಳಿಸಿ ಹ್ಯಾಟ್ರಿಕ್‌ ಹೀರೋ ಎನಿಸಿದರು.
ದೀಪಕ್‌ ಚಹರ್‌ ಒಟ್ಟು 3 ಓವರ್‌ ಎಸೆದರು. ಇದರಲ್ಲೊಂದು ಮೇಡನ್‌ ಆಗಿತ್ತು. ಒಟ್ಟು 18 ರನ್ನಿತ್ತು 4 ವಿಕೆಟ್‌ ಉರುಳಿಸಿದರು.
ಆದರೆ ದೀಪಕ್‌ ಚಹರ್‌ ಹ್ಯಾಟ್ರಿಕ್‌ ಹೊರತಾಗಿಯೂ ರಾಜಸ್ಥಾನ ಈ ಪಂದ್ಯವನ್ನು ವಿಜೆಡಿ ನಿಯಮದಂತೆ ಒಂದು ರನ್ನಿನಿಂದ ಸೋತಿತು.