ಧರೆಗುರುಳಿದ ಮರ; ತಪ್ಪಿದ ಅನಾಹುತ

ಚಡಚಣ: ಭಾರಿ ಗಾಳಿ ಮಳೆಗೆ ಬೃಹತ್‌ ಮರವೊಂದು ವಿದ್ಯುತ್‌ ತಂತಿಯ ಮೇಲಿ ಬಿದ್ದು ಧರೆಗುರಳಿದ್ದು, ಅದೃಷ್ಠವಶಾತ್‌ ಯಾವುದೇ ಪ್ರಾಣ ಹಾನಿಯಾಗದೆ ಭಾರಿ ಅನಾಹುತ ತಪ್ಪಿದ ಘಟನೆ ಕೊಟ್ನಾಳ ಗ್ರಾಮದಲ್ಲಿ ಶುಕ್ರವಾರ ಸಂಜೆ ನಡೆದಿದೆ.

ದೇವಸ್ಥಾನ ಮುಂಭಾಗದಲ್ಲಿ ಹಿರಿಯರು ಕುಳಿತುಕೊಂಡಿದ್ದರು, ಮಕ್ಕಳು ಆಟವಾಡುತ್ತಿದ್ದರು. ಈ ಸಂದರ್ಭದಲ್ಲಿ ಬಿಸಿದ ಬಿರುಗಾಳಿಗೆ ಬೃಹತ್‌ ಮರ ಧರೆಗುರುಳುತ್ತಿದ್ದಂತೆ ಮೊದಲು ವಿದ್ಯುತ್‌ ತಂತಿಯಮೇಲೆ ಬಿದ್ದಿದೆ. ನಂತರ ಸಾವಕಾಶವಾಗಿ ನೆಲೆಕ್ಕುರಳುತ್ತಿದ್ದಂತೆ ಅಲ್ಲಿದ್ದವರು ಓಡಿ ಹೋಗಿ ಪ್ರಾಣ ಉಳಿಸಿಕೊಂಡಿದ್ದಾರೆ. ಕೂಡಲೇ ಹೆಸ್ಕಾಂ ಸಿಬ್ಬಂದಿಗೆ ಮಾಹಿತಿ ನೀಡಿ ವಿದ್ಯುತ್‌ ನಿಲುಗಡೆ ಮಾಡಿಸಿದ್ದಾರೆ.