Shankaranarayana: ಅಕ್ರಮ ಮರ ಸಾಗಾಣಿಕೆ; 40 ಲಕ್ಷ ರೂ.ಸೊತ್ತುಗಳು ವಶ

ಸಿದ್ದಾಪುರ: ಶಂಕರನಾರಾಯಣ ಗ್ರಾಮದ ಅಗ್ರಬೈಲು ಎನ್ನುವಲ್ಲಿ ಸರಕಾರಿ ಭೂಮಿಯಲ್ಲಿ ಅಕ್ರಮವಾಗಿ ಮರಗಳನ್ನು ಕಡಿದು ದಿಮ್ಮಿಗಳನ್ನಾಗಿ ಮಾಡಿ ಸಾಗಾಟ ಮಾಡಲಾಗುತ್ತಿದ್ದ ಸಂದರ್ಭದಲ್ಲಿ ಶಂಕರನಾರಾಯಣ ಅರಣ್ಯ ಇಲಾಖೆಯ ಅಧಿಕಾರಿಗಳು ಡಿ. 2ರಂದು ದಾಳಿ ಮಾಡಿ ಸೊತ್ತುಗಳನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

ಧೂಪ ಮತ್ತು ಮಾವಿನ ಮರಗಳ ಡಿಮ್ಮಿಗಳು, ಲಾರಿ, ಕ್ರೇನ್‌ ಮತ್ತು 2 ಬೈಕುಗಳನ್ನು ವಶಕ್ಕೆ ಪಡೆದಿದ್ದಾರೆ. ಸೊತ್ತುಗಳ ಒಟ್ಟು ಮೌಲ್ಯ 40 ಲಕ್ಷ ರೂ.ಎಂದು ಅಂದಾಜಿಸಲಾಗಿದೆ. ಆರೋಪಿಗಳು ಪರಾರಿಯಾಗಿದ್ದಾರೆ.

ಡಿಎಫ್‌ಓ ಗಣಪತಿ ಮತ್ತು ಎಸಿಎಫ್‌ ಪ್ರಕಾಶ್‌ ಪೂಜಾರಿ ಅವರ ಮಾರ್ಗದರ್ಶನದಲ್ಲಿ ಶಂಕರನಾರಾಯಣ ವಲಯ ಅರಣ್ಯಾಧಿಕಾರಿ ಜ್ಯೋತಿ, ಡಿಆರ್‌ಎಫ್‌ಓ ಕೆ.ಸಿ ಮ್ಯಾಥೋ, ಸಿಬಂದಿ ಝಹಿರ್‌ ಅಬ್ಟಾಸ್‌, ಪ್ರಶಾಂತ್‌, ಕೃಷ್ಣಮೂರ್ತಿ ಹೆಬ್ಬಾರ್‌, ರವಿ ಅಡಿಗ, ಶೇಖರ್‌ ಕುಲಾಲ, ಭಾಸ್ಕರ್‌ ಕೊಟ್ಟಾರಿ ಅವರು ಕಾರ್ಯಾಚರಣೆಯಲ್ಲಿ ಪಾಲ್ಗೊಂಡಿದ್ದರು. ಶಂಕರನಾರಾಯಣ ವಲಯ ಅರಣ್ಯ ಇಲಾಖೆಯಲ್ಲಿ ಪ್ರಕರಣ ದಾಖಲಾಗಿದೆ.