ಚಿತ್ರದ ಟ್ರೈಲರ್‌ಗೆ ಸೆನ್ಸಾರ್‌ ಮಂಡಳಿ ಕತ್ತರಿ ಪ್ರಯೋಗ!

ಮುಂಬೈ: ಸಿನಿಮಾಗೆ ಸೆನ್ಸಾರ್‌ ಮಂಡಳಿ ಕತ್ತರಿ ಹಾಕಿರುವ ಎಷ್ಟೋ ಪ್ರಕರಣಗಳು ಕಣ್ಣಮುಂದಿವೆ. ಆದರೆ, ಈ ಬಾರಿ ಟ್ರೈಲರ್‌ಗೆ ಕತ್ತರಿ ಬಿದ್ದಿದೆ. 

ಶಾರುಖ್‌ ಖಾನ್‌ ಮತ್ತು ಅನುಷ್ಕಾ ಶರ್ಮ ಅಭಿನಯದ ಬಹು ನಿರೀಕ್ಷಿತ ಚಿತ್ರ “ಜಬ್‌ ಹರ್ರೀ ಮತ್‌ ಸೆಜಾಲ್‌’ನ ಎರಡನೇ ಟ್ರೈಲರ್‌ನಲ್ಲಿರುವ “ಸಂಭೋಗ'(ಇಂಟರ್‌ಕೋರ್ಸ್‌) ಪದಕ್ಕೆ ಆಕ್ಷೇಪ ವ್ಯಕ್ತಪಡಿಸಿರುವ ಕೇಂದ್ರ ಚಲನಚಿತ್ರ ಸೆನ್ಸಾರ್‌ ಮಂಡಳಿ, ಬೇರೆ ಪದ ಬಳಕೆಗೆ ಸೂಚಿಸಿದೆ. ಈ ಕುರಿತು ಮಾತನಾಡಿರುವ ಸೆನ್ಸಾರ್‌ ಮಂಡಳಿ ಅಧ್ಯಕ್ಷ ಪಹ್ಲಾಜ್‌ ನಿಹಲಾನಿ, “ಡಿಜಿಟಲ್‌ಗೆ ನಾವು ಸರ್ಟಿಫಿಕೇಟ್‌ ನೀಡಬೇಕಾಗಿಲ್ಲ, ನಿರ್ದೇಶಕರಿಗೆ ಪದ ಬಳಕೆ ವಿಚಾರವಾಗಿ ಬದಲಾವಣೆ ಮಾಡಿಕೊಳ್ಳಿ ಎಂದು ಹೇಳಿದ್ದೇವೆ. ಇದು ಸಹಜ ಪ್ರಕ್ರಿಯೆ’ ಎಂದಿದ್ದಾರೆ. ಬಹು ನಿರೀಕ್ಷಿತ ಚಿತ್ರವನ್ನು ಇಮಿ¤ಯಾಜ್‌ ಅಲಿ ನಿರ್ದೇಶಿಸಿದ್ದಾರೆ.