ನಿರ್ಮಾಣ ಹಂತದ ಕಟ್ಟಡ ಮೇಲೆ ಮಗುಚಿ ಬಿದ್ದ ಸಿಮೆಂಟ್ ರೆಡಿಮಿಕ್ಸ್ ವಾಹನ

ಉಡುಪಿ: ಇಲ್ಲಿನ ಕುಂಜಿಬೆಟ್ಟುವಿನ ಬಳಿ ನಿರ್ಮಾಣ ಹಂತದಲ್ಲಿರುವ ಕಟ್ಟಡದ ಮೇಲೆ ಸಿಮಿಂಟ್ ರೆಡಿಮಿಕ್ಸ್ ವಾಹನ ಮಗುಚಿ ಬಿದ್ದ ಘಟನೆ ಶನಿವಾರ ಸಂಜೆ ನಡೆದಿದೆ.

ಘಟನೆಯಲ್ಲಿ ಸಿಮೆಂಟ್ ರೆಡಿಮಿಕ್ಸ್ ವಾಹನದ ಚಾಲಕ ಯಾವುದೇ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.’

ರೆಡಿಮಿಕ್ಸ್ ವಾಹನವನ್ನು ಪಾರ್ಕ್ ಮಾಡುವ ವೇಳೆ ವಿಪರೀತ ಮಳೆ ಸುರಿಯುತ್ತಿದ್ದ ಕಾರಣ ಘಟನೆ ನಡೆದಿದೆ ಎನ್ನಲಾಗಿದೆ. ಮಳೆ ಬಂದ ಕಾರಣ ಮಣ್ಣು ಸಡಿಲವಾಗಿದ್ದು, ಪಾರ್ಕ್ ಮಾಡುವ ವೇಳೆ ಚಕ್ರದ ಕೆಳಗಿನ ಮಣ್ಣು ಜಾರಿದ್ದರಿಂದ ರೆಡಿಮಿಕ್ಸ್ ವಾಹನ ಮಗುಚಿ ಬಿದ್ದಿದೆ ಎಂದು ವರದಿಯಾಗಿದೆ.