“ಎನ್ನ ಮನದ ಕೋಗಿಲೆ’ಸಿ.ಡಿ. ಬಿಡುಗಡೆ

ಇಂಚರ ಸುಗಮ ಸಂಗೀತ ಸಂಸ್ಥೆ ವತಿಯಿಂದ “ಎನ್ನ ಮನದ ಕೋಗಿಲೆ’ ಧ್ವನಿಸಾಂದ್ರಿಕೆ ಬಿಡುಗಡೆ ಸಮಾರಂಭ ಹಮ್ಮಿಕೊಳ್ಳಲಾಗಿದೆ. ಕವಿ ಪ್ರೊ. ನಿಜಲಿಂಗಪ್ಪ ಬರೆದಿರುವ ಗೀತೆಗಳಿಗೆ ಇಂಚರ ಪ್ರವೀಣ್‌ ಕುಮಾರ್‌ ರಾಗ ಸಂಯೋಜಿಸಿದ್ದಾರೆ.

ಗಾಯಕರು ಮತ್ತು ಸಂಗೀತ ನಿರ್ದೇಶಕರಾದ ಪುತ್ತೂರು ನರಸಿಂಹ ನಾಯಕ್‌ ಅವರು ಕಾರ್ಯಕ್ರಮ ಉದ್ಘಾಟಿಸಿ, ಸಿ.ಡಿ ಬಿಡುಗಡೆ ಮಾಡಲಿದ್ದಾರೆ. ಸಂಗೀತ ನೃತ್ಯ ಅಕಾಡೆಮಿ ಅಧ್ಯಕ್ಷರಾದ ಆನಂದ ಮಾದಲಗೆರೆ ಅಧ್ಯಕ್ಷತೆ ವಹಿಸಲಿದ್ದು, ಕವಿಗಳಾದ ಡಾ.ಕಾ.ವೆಂ. ಶ್ರೀನಿವಾಸ್‌ ಮೂರ್ತಿ, ವಿ2 ಸಾಫ್ಟ್ ಇನ್‌ನ ಡೈರೆಕ್ಟರ್‌ ಮಂಜುನಾಥ ನಾಗಪ್ಪನವರು ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.

ಕಾರ್ಯಕ್ರಮದ ಕೊನೆಯಲ್ಲಿ ಸಮೂಹ ಗಾಯನ ಮತ್ತು ಗೀತಗಾಯನ ಹಮ್ಮಿಕೊಳ್ಳಲಾಗಿದೆ. ಈ ಕಾರ್ಯಕ್ರಮ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಹಕಾರದಲ್ಲಿ ನಡೆಯಲಿದೆ. 

ಎಲ್ಲಿ?: ಕುವೆಂಪು ಸಭಾಂಗಣ, ಕ.ಸಾ.ಪ., ಚಾಮರಾಜಪೇಟೆ
ಯಾವಾಗ?: ಅಕ್ಟೋಬರ್‌ 22, ಸಂಜೆ 5