Electoral Bonds ಮೂಲಕ ಸುದ್ದಿಯಾಗಿದ್ದ ಕಂಪೆನಿಗೆ ಸಿಬಿಐ ಶಾಕ್‌

ಹೊಸದಿಲ್ಲಿ: 966 ಕೋಟಿ ರೂ. ಚುನಾವಣ ಬಾಂಡ್‌ ಖರೀದಿಸಿ ಸುದ್ದಿಯಾಗಿದ್ದ ಹೈದರಾಬಾದ್‌ ಮೂಲದ ಮೆಘಾ ಎಂಜಿನಿಯರಿಂಗ್‌ ಕಂಪೆನಿ ವಿರುದ್ಧ ಲಂಚ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕೇಂದ್ರ ತನಿಖಾ ದಳ(ಸಿಬಿಐ) ಎಫ್ಐಆರ್‌ ದಾಖಲಿಸಿದೆ. ಮೆಘಾ ಎಂಜಿನಿಯರಿಂಗ್‌ ಕಂಪೆನಿಯ 2, ಎನ್‌ಐಎಸ್‌ಪಿ ಮತ್ತು ಎನ್‌ಎಂಡಿಸಿಯ 8 ಅಧಿಕಾರಿಗಳನ್ನು ಎಫ್ಐಆರ್‌ನಲ್ಲಿ ಹೆಸರಿಸಲಾಗಿದೆ. ಛತ್ತೀಸ್‌ಗಢದ ಜಗದಲ್‌ಪುರ್‌ ಸ್ಟೀಲ್‌ ಪ್ಲಾಂಟ್‌ ಕೆಲಸಕ್ಕೆ ಸಂಬಂಧಿಸಿದ 174 ಕೋಟಿ ರೂ. ಬಿಲ್‌ ಪಾಸ್‌ ಮಾಡಲು 78 ಲಕ್ಷ ರೂ. ಲಂಚ ಕೇಳಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈ ಎಫ್ಐಆರ್‌ ದಾಖಲಿಸಲಾಗಿದೆ. ಆರಂಭದ ತನಿಖೆಯಲ್ಲಿ ಗೊತ್ತಾದ ಮಾಹಿತಿಗಳ ಅನುಸಾರ ಎಫ್ಐಆರ್‌ ದಾಖಲಿಸಲು ಮಾರ್ಚ್‌ 18ರಂದು ಶಿಫಾರಸು ಮಾಡಲಾಗಿತ್ತು.