40 ಪ್ಯಾಕೆಟ್‌ ಪಡಿತರ ಅಕ್ಕಿ ವಶ

ಸಂಡೂರು: ಚೋರನೂರು ಹೋಬಳಿ ಪೊಲೀಸ್‌ ಠಾಣೆ ವ್ಯಾಪ್ತಿಯಲ್ಲಿ ಮೇ 28ರಂದು ಶನಿವಾರ ರಾತ್ರಿ ಸುಮಾರು 11:30 ತುಂಬರಗುದ್ದಿಯಲ್ಲಿ ಕಾಳಸಂತೆಗೆ ಅಕ್ರಮವಾಗಿ ಸಾಗಿಸುತ್ತಿದ್ದ 40 ಪ್ಯಾಕೆಟ್‌ ಪಡಿತರ ಅಕ್ಕಿಯ ವಾಹನವನ್ನು ವಶಪಡಿಸಿಕೊಳ್ಳಲಾಗಿದ್ದು ಸಂಬಂಧಪಟ್ಟ ಪಟ್ಟವರ ಮೇಲೆ ಚೋರನೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಖಚಿತ ಮಾಹಿತಿ ಮೇರೆಗೆ ಪೊಲೀಸರು ವಾಹನಸಮೇತ ಕರಿಬಸವರಾಜ್‌ರನ್ನು ವಶಕ್ಕೆ ಪಡೆದಿದ್ದಾರೆ. ಸಂಡೂರು ತಾಲೂಕು ಆಹಾರ ಇಲಾಖೆ ಅಧಿಕಾರಿಗಳಾದ ಸೈಯದ್‌ ಸಿಕಂದರ್‌, ಚೋರನೂರು ಪೊಲೀಸ್‌ ಠಾಣೆ ಪಿಎಸ್‌ಐ ಕಿರಣ್‌ಕುಮಾರ್‌, ಕಂದಾಯ ಇಲಾಖೆ ಅಧಿಕಾರಿಗಳಾದ ಯರ್ರಿಸ್ವಾಮಿ, ಬಸಪ್ಪ, ಸೈಯದ್‌ ಸಿಕಂದರ್‌ ಇದ್ದರು.