ಈಗಲೂ ನಗದು ವ್ಯವಹಾರದ್ದೇ ಮೇಲುಗೈ

ನವದೆಹಲಿ: ಭ್ರಷ್ಟಾಚಾರ ನಿಗ್ರಹ ಹಾಗೂ ಕ್ಯಾಶ್‌ಲೆಸ್‌ ಸಮಾಜದ ನಿರ್ಮಾಣದ ಕನಸಿನೊಂದಿಗೆ ಕೇಂದ್ರ ಸರ್ಕಾರ “ನೋಟು ನಿಷೇಧ’ ನಿರ್ಧಾರ ಕೈಗೊಂಡು ವರ್ಷವೇ ಉರುಳಿದ್ದರೂ, ಈಗಲೂ ವ್ಯಾಪಾರ ವಹಿವಾಟುಗಳಲ್ಲಿ ನೋಟುಗಳ ಪಾತ್ರವೇ ಹಿರಿದಾಗಿದೆ ಎಂದು “ದ ಮಿಂಟ್‌’ ವರದಿ ಮಾಡಿದೆ.

ವರದಿಯ ಪ್ರಕಾರ, ನೋಟು ಅಮಾನ್ಯ ನಿರ್ಧಾರದ ನಂತರ, ಈ ತಿಂಗಳ 16ರವರೆಗೆ 17.78 ಲಕ್ಷ ಕೋಟಿ ರೂ. ಮೊತ್ತದ ವ್ಯವಹಾರ ನಗದು ಮೂಲಕವೇ ನಡೆದಿದೆ. ಆರ್‌ಬಿಐ ಮಾಹಿತಿಯಂತೆ, ನೋಟು ಅಮಾನ್ಯಕ್ಕೂ ಮುನ್ನ (ನ. 8, 2016) 17.97 ಲಕ್ಷ ಕೋಟಿ ರೂ. ಚಲಾವಣೆಯಲ್ಲಿತ್ತು. ಇದೀಗ, ಫೆ.16ರ ಹೊತ್ತಿಗೆ 17.78 ಲಕ್ಷ ರೂ. ಚಲಾವಣೆಯಲ್ಲಿದೆ.