ವೋಜ್ನಿಯಾಕಿಗೆ ಡಬ್ಲ್ಯುಟಿಎ ಫೈನಲ್ಸ್‌ ಪ್ರಶಸ್ತಿ

ಸಿಂಗಾಪುರ: ಅಮೆರಿಕದ ವೀನಸ್‌ ವಿಲಿಯಮ್ಸ್‌ ಅವರವನ್ನು ನೇರ ಸೆಟ್‌ಗಳಿಂದ ಕೆಡಹಿದ ಡೆನ್ಮಾರ್ಕ್‌ನ ಕ್ಯಾರೋಲಿನ್‌ ವೋಜ್ನಿಯಾಕಿ ಅವರು ಡಬ್ಲ್ಯುಟಿಎ ಫೈನಲ್ಸ್‌ನ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ಇಲ್ಲಿನ ಸಿಂಗಾಪುರ ಒಳಾಂಗಣ ಕ್ರೀಡಾಂಗಣದಲ್ಲಿ ರವಿವಾರ ನಡೆದ ಫೈನಲ್‌ ಹೋರಾಟದಲ್ಲಿ 27ರ ಹರೆಯದ ಮಾಜಿ ನಂಬರ್‌ ವನ್‌ ವೋಜ್ನಿಯಾಕಿ ಅವು 6-4, 6-4 ಸೆಟ್‌ಗಳಿಂದ ವೀನಸ್‌ ಅವರನ್ನು ಕೆಡಹಿದರು. ಇದು ವೋಜ್ನಿಯಾಕಿ ಅವರ ಟೆನಿಸ್‌ ಬಾಳ್ವೆಯ ಅತ್ಯಂತ ಬೃಹತ್‌ ಗೆಲುವು ಆಗಿದೆ.