ಕಾರ್ಬನ್‌ ಕಾಪಿಗಿದೆ ಸಾಕ್ಷ್ಯಾಧಾರ ಮಾನ್ಯತೆ

ಹೊಸದಿಲ್ಲಿ: ಆಸ್ತಿ ಮಾರಾಟ ದಾಖಲೆಯ ಮೂಲ ಪ್ರತಿಯ ಜತೆಯಲ್ಲೇ ತಯಾರಿಸಲಾದ ಕಾರ್ಬನ್‌ ಪ್ರತಿಯ ದಾಖಲೆಯ ಮೇಲೆ ಆಸ್ತಿ ಮಾರುವವರು ಹಾಗೂ ಕೊಳ್ಳುವವರ ಅಸಲಿ ಸಹಿಗಳು ಇದ್ದಲ್ಲಿ ಅದನ್ನು ಸಾಕ್ಷ್ಯವಾಗಿ ಪರಿಗಣಿಸಬಹುದು ಎಂಬ ಮಹತ್ವದ ಆದೇಶವನ್ನು ಸುಪ್ರೀಂ ಕೋರ್ಟ್‌ ನೀಡಿದೆ.

ಜತೆಗೆ, ಪಂಜಾಬ್‌ಗ ಸಂಬಂಧಿಸಿದ ಭೂ ವ್ಯಾಜ್ಯವೊಂದರ ವಿಚಾರಣೆಗೆ ಸಂಬಂಧಿಸಿದಂತೆ ಪಂಜಾಬ್‌ನ ಕೆಳ ಹಂತದ ನ್ಯಾಯಾಲಯ ಹಾಗೂ ಪಂಜಾಬ್‌ ಹೈಕೋರ್ಟ್‌ಗಳು ಕಾರ್ಬನ್‌ ಪ್ರತಿಯನ್ನು ಸಾಕ್ಷ್ಯ ಎಂದು ಪರಿಗಣಿಸಲು ಸಾಧ್ಯವಿಲ್ಲ ಎಂದು ನೀಡಿದ್ದ ತೀರ್ಪನ್ನು ಸುಪ್ರೀಂ ಕೋರ್ಟ್‌ ತಳ್ಳಿಹಾಕಿದೆ. ಈ ಕುರಿತಂತೆ ಸ್ಪಷ್ಟನೆ ನೀಡಿರುವ ನ್ಯಾಯಪೀಠ, “”ಕಾರ್ಬನ್‌ ಪ್ರತಿಗಳು ಮೂಲ ಪ್ರತಿಗಳ ಜತೆಯಲ್ಲೇ, ಅವು ತಯಾರಾದ ರೀತಿಯಲ್ಲೇ ತಯಾರಾಗಿರುತ್ತವೆ. ಅಂಥ ಪ್ರತಿಗಳ ಮೇಲೆ ಆಸ್ತಿ ವ್ಯವಹಾರ ನಡೆಸುವ ಎರಡೂ ಕಡೆಯ ವ್ಯಕ್ತಿಗಳ ಅಸಲಿ ಸಹಿಗಳು ಇದ್ದಲ್ಲಿ ಅದನ್ನು ಸಾಕ್ಷಿಯೆಂದು ಪರಿಗಣಿಸಬೇಕು. ಈ ವಿಚಾರದಲ್ಲಿ ಈ ಹಿಂದೆ ಬಂದಿರುವ ತೀರ್ಪುಗಳು ಭಾರತೀಯ ಸಾûಾÂಧಾರ ಕಾಯ್ದೆಗೆ ವಿರುದ್ಧವಾಗಿವೆ” ಎಂದು ಹೇಳಿದೆ.