ತೀವ್ರ ಅನಾರೋಗ್ಯ,41 ಗಂಟೆ ಪ್ರಯಾಣ ಸಾಧ್ಯವಿಲ್ಲ ! ; ಮೆಹುಲ್‌ ಚೋಸ್ಕಿ

ಹೊಸದಿಲ್ಲಿ: ಪಂಜಾಬ್‌ ನ್ಯಾಷನಲ್‌ ಬ್ಯಾಂಕ್‌ಗೆ 13 ಸಾವಿರ ಕೋಟಿ ರೂ. ವಂಚನೆ ಎಸಗಿ ಆ್ಯಂಟಿಗುವಾ ಪೌರತ್ವ ಪಡೆದಿರುವ ಉದ್ಯಮಿ ಚೋಸ್ಕಿ ತಾನು ತೀವ್ರ ಅನಾರೋಗ್ಯದಿಂದ ಬಳಲುತ್ತಿದ್ದು, ಭಾರತಕ್ಕೆ ಬರಲು 41 ಗಂಟೆಗಳ ವಿಮಾನ ಪ್ರಯಾಣ ಸಾಧ್ಯವಿಲ್ಲ ಎಂದಿದ್ದಾರೆ. 

ಜಾರಿ ನಿರ್ದೇಶನಾಲಯಕ್ಕೆ ಪ್ರತಿಕ್ರಿಯೆ ನೀಡಿರುವ  ನೀರವ್‌ ಮೋದಿ ಆಪ್ತ ಮೆಹುಲ್‌ ಚೋಸ್ಕಿ ನನ್ನ ಆರೋಗ್ಯ ಹಾಳಾಗಿದ್ದು, ನಾನು ವಿಡಿಯೋ ಕಾನ್ಫರೆನ್ಸ್‌ ಮೂಲಕ ಪಿಎಮ್‌ಎಲ್‌ ಕೋರ್ಟ್‌ ವಿಚಾರಣೆಯನ್ನು ಎದುರಿಸಲು ಸಿದ್ದನಿದ್ದೇನೆ ಎಂದಿದ್ದಾರೆ. ಅನಾರೋಗ್ಯವಿರುವ ಕಾರಣ 41 ಗಂಟೆಗಳ ಕಾಲ ವಿಮಾನ ಪ್ರಯಾಣ ಸಾಧ್ಯವಿಲ್ಲ ಎಂದು ಹೇಳಿಕೊಂಡಿರುವುದಾಗಿ ವರದಿಯಾಗಿದೆ. 

ಉದ್ಯಮಿ ಮೆಹುಲ್‌ ಚೋಸ್ಕಿಗೆ ಇಂಟರ್‌ಪೋಲ್‌ ರೆಡ್‌ ಕಾರ್ನರ್‌ ನೋಟಿಸ್‌ ನೀಡಿದೆ. ಸಿಬಿಐ ಕೋರಿಕೆ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದೆ.ಚೋಸ್ಕಿ, ಪಿಎನ್‌ಬಿಗೆ 7,080 ಕೋಟಿ ರೂ. ವಂಚಿಸಿದ್ದಾರೆ ಎಂದು ಸಿಬಿಐ ಆರೋಪಿಸಿದೆ.