ಚುನಾವಣೆ ಭವಿಷ್ಯ ಹೇಳಲಾರೆ; ಮತದಾರರ ನಿರ್ಧಾರ ನಿಗೂಢ: ರಾಜನಾಥ್‌ ಸಿಂಗ್‌

ಲಕ್ನೋ : ಐದನೇ ಹಂತದ ಚುನಾವಣೆ ಸಂಬಂಧ ಇಂದು ಸೋಮವಾರ ಮತದಾನ ಆರಂಭಗೊಂಡ ಅರ್ಧ ತಾಸಿನ ಬಳಿಕ ಕೇಂದ್ರ ಗೃಹ ಸಚಿವ ರಾಜನಾಥ್‌ ಸಿಂಗ್‌ ಅವರು ಲಕ್ನೋದಲ್ಲಿನ ಮತಗಟ್ಟೆಗೆ ಬಂದು ತಮ್ಮ ಮತ ಚಲಾಯಿಸಿದರು.

ರಾಜನಾಥ್‌ ಸಿಂಗ್‌ ಎದುರು ಈ ಲಕ್ನೋ ಕ್ಷೇತ್ರದಲ್ಲಿ ಎಸ್‌ ಪಿ ಅಭ್ಯರ್ಥಿ, ಶತ್ರುಘ್ನ ಸಿನ್ಹಾ ಪತ್ನಿ, ಪೂನಂ ಸಿನ್ಹಾ ಕಣದಲ್ಲಿದ್ದಾರೆ.

ಮತದಾನದ ಬಳಿಕ ಮಾಧ್ಯಮ ಕ್ಯಾಮೆರಾಗಳಿಗೆ ಪೋಸ್‌ ನೀಡಿದ ರಾಜನಾಥ್‌ ಸಿಂಗ್‌, “ನಾನು ಯಾವುದೇ ಭವಿಷ್ಯ ನುಡಿಯಲಾರೆ; ಮತದಾರರು ಏನು ನಿರ್ಧರಿಸುವರೋ ಅದೇ ಫ‌ಲಿತಾಂಶವಾಗಿ ಮೂಡಿ ಬರಲಿದೆ’ ಎಂದು ಮಾರ್ಮಿಕವಾಗಿ ಹೇಳಿದರು.