ಕ್ಯಾಂಡಿಡೇಟ್ಸ್‌  ಚೆಸ್‌: ಪ್ರಜ್ಞಾನಂದ ಗೆಲುವು

ಟೊರೊಂಟೊ (ಕೆನಡಾ): ಕ್ಯಾಂಡಿಡೇಟ್ಸ್‌ ಚೆಸ್‌ ಟೂರ್ನಿಯ ಮೂರನೇ ಸುತ್ತಿನಲ್ಲಿ ವಿದಿತ್‌ ಗುಜ್ರಾತಿ ವಿರುದ್ಧ ಆರ್‌. ಪ್ರಜ್ಞಾನಂದ ಗೆಲುವು ಸಾಧಿಸಿದ್ದಾರೆ. ಹಿಂದಿನ ಪಂದ್ಯದಲ್ಲಿ ಅಮೆರಿಕದ ಹಿಕಾರು ನಕಮುರ ಅವರನ್ನು ವಿದಿತ್‌ ಸೋಲಿಸಿದ್ದರು.

ಇದು ಈ ಟೂರ್ನಿಯಲ್ಲಿ ಪ್ರಜ್ಞಾನಂದ ಸಾಧಿಸಿದ ಮೊದಲ ಗೆಲುವು. ಹಿಂದಿನ ಪಂದ್ಯದಲ್ಲಿ ಡಿ. ಗುಕೇಶ್‌ ವಿರುದ್ಧ ಪ್ರಜ್ಞಾನಂದ ಸೋತಿದ್ದರು. ಮಹಿಳಾ ವಿಭಾಗದಲ್ಲಿ ಪ್ರಜ್ಞಾನಂದ ಅವರ ಸಹೋದರಿ ಆರ್‌. ವೈಶಾಲಿ, ಬಲ್ಗೇರಿಯದ ನರ್ಗ್ಯುಲ್‌ ಸಲಿಮೋವಾ ವಿರುದ್ಧ ಜಯ ಗಳಿಸಿದ್ದಾರೆ.