ಮುಂಬಯಿ: ಬಾಲಿವುಡ್ ನಲ್ಲಿ ಮಾತ್ರವೇ ಅಲ್ಲದೆ ಹಾಲಿವುಡ್ ನಲ್ಲೂ ತನ್ನ ನಟನಾ ಛಾಪನ್ನು ಬಿತ್ತಿದ್ದ ವರ್ಸಟೈಲ್ ನಟ ಇರ್ಪಾನ್ ಖಾನ್ ಅವರು ಇಂದು ನಮ್ಮೊಂದಿಗಿಲ್ಲ.
ಆದರೆ ಅವರು ಕಟ್ಟಿಕೊಟ್ಟಿರುವ ಒಂದೊಂದು ಪಾತ್ರವೂ ಚಿತ್ರರಸಿಕರ ಮನದಲ್ಲಿ ಅಚ್ಚಳಿಯದೇ ಉಳಿಯುತ್ತದೆ.
ಅದಕ್ಕಿಂತಲೂ ಹೆಚ್ಚಾಗಿ ಈ ನಟನ ಆಫ್ ದಿ ಸ್ಕ್ರೀನ್ ಚಟುವಟಿಕೆಗಳನ್ನು ಸೋಷಿಯಲ್ ನೆಟ್ ವರ್ಕಿಂಗ್ ತಾಣ ಇನ್ ಸ್ಟಾಗ್ರಾಂ ಇರ್ಫಾನ್ ಅಭಿಮಾನಿಗಳ ಮುಂದೆ ತೆರೆದಿಡುತ್ತಿದೆ.
ಅದೂ ಇರ್ಫಾನ್ ಖಾನ್ ಅವರ ಮಗ ಬಾಬಿಲ್ ಮೂಲಕ. ಹೌದು, ತನ್ನ ಪ್ರೀತಿಯ ತಂದೆಯನ್ನು ಕಳೆದುಕೊಂಡಿರುವ ದುಃಖದಲ್ಲಿರುವ ಅವರ ಪುತ್ರ ಬಾಬಿಲ್ ಇದೀಗ ತಂದೆಯ ನೆನಪುಗಳ ಚಿತ್ರಗಳಿಗೆ ಕೈಹಾಕಿದ್ದಾರೆ.
ಈ ಹಿಂದೆ ಇರ್ಫಾನ್ ಅವರ ‘ನ್ಯಾಷನಲ್ ಸ್ಕೂಲ್ ಆಫ್ ಡ್ರಾಮಾ’ ದಿನಗಳಲ್ಲಿನ ಸವಿ ನೆನಪುಗಳನ್ನು ಹಂಚಿಕೊಂಡಿದ್ದ ಬಾಬಿಲ್ ಇದೀಗ ತನ್ನ ತಂದೆಯ ಜೀವನದ ಕೆಲವೊಂದು ಮಧುರ ಕ್ಷಣಗಳ ಚಿತ್ರಗಳನ್ನು ಇನ್ ಸ್ಟಾದಲ್ಲಿ ಪೋಸ್ಟ್ ಮಾಡಿದ್ದಾರೆ.
ಅವುಗಳ ಕುರಿತಾದ ಒಂದು ಲುಕ್ ಇಲ್ಲಿದೆ. ಇವುಗಳನ್ನು ನೋಡಿ ಮುಗಿಸಿದ ಮೇಲೆ ಆ ಮಹಾನ್ ನಟನ ನೆನಪಿನಲ್ಲಿ ನಮ್ಮ ಕಣ್ಣಂಚು ಒದ್ದೆಯಾಗುವುದಂತು ನಿಜ.. ಥ್ಯಾಂಕ್ಸ್ ಬಾಬಿಲ್.
