ದೆಹಲಿಯಲ್ಲಿ ಕೆನರಾ ಬ್ಯಾಂಕ್‌ ಕಾರ್ಯಭಾರ ಘಟಕ

ಬೆಂಗಳೂರು: ಸಾರ್ವಜನಿಕ ವಲಯದ ಕೆನರಾ ಬ್ಯಾಂಕ್‌ ತನ್ನ ಸರ್ಕಾರದ ವ್ಯವಹಾರ ವ್ಯಾಪ್ತಿಯನ್ನು ವಿಸ್ತರಿಸುವ ಸಲುವಾಗಿ ರಾಜಧಾನಿ ದೆಹಲಿಯಲ್ಲಿ ನೂತನ ಕಾರ್ಯಭಾರ ಘಟಕವನ್ನು ತೆರೆದಿದೆ.

ಇತೀ¤ಚೆಗೆ ಬ್ಯಾಂಕಿನ ಕಾರ್ಯನಿರ್ವಾಹಕ ನಿರ್ದೇಶಕ ಎಂ.ವಿ. ರಾವ್‌ ಅವರು ಗೌರ್ನಮೆಂಟ್‌ ಬಿಸಿನೆಸ್‌ ವರ್ಟಿಕಲ್‌ಗೆ ಚಾಲನೆ ನೀಡಿ ಮಾತನಾಡಿದರು. ದೆಹಲಿಯ ಈ ಘಟಕವು ಬೆಂಗಳೂರಿನ ಕೇಂದ್ರ ಕಚೇರಿಯ ಮಾರುಕಟ್ಟೆ ಮತ್ತು ರಿಟೈಲ್‌ ರಿಸೋರ್ಸಸ್‌ ವಿಂಗ್‌ನ ನಿಯಂತ್ರಣ ಹಾಗೂ ಮಾರ್ಗದರ್ಶನದಡಿ ಕಾರ್ಯ ನಿರ್ವಹಿಸಲಿದೆ.

ಈ ಹೊಸ ವ್ಯವಸ್ಥೆಯ ಉದ್ದೇಶವು ಸರ್ಕಾರದ ವ್ಯವಹಾರವನ್ನು ವೃದ್ಧಿಸುವುದಾಗಿದೆೆ ಹಾಗೂ ವಿವಿಧ ಹಂತಗಳಲ್ಲಿ ಉನ್ನತ ಮಟ್ಟದ ಸರ್ಕಾರಿ ಅಧಿಕಾರಿಗಳೊಂದಿಗೆ ನಿಕಟ ಸಂಪರ್ಕ ಹೊಂದುವುದಾಗಿದೆ. ಆ ಮೂಲಕ ಕೇಂದೀಕೃತವಾದ ವ್ಯವಹಾರ ಇದಾಗಲಿದೆ ಎಂದರು. ಈ ಸಂದರ್ಭದಲ್ಲಿ ಮಹಾಪ್ರಬಂಧಕ ಡಾ. ಎಸ್‌.ಟಿ. ರಾಮಚಂದ್ರ, ದೆಹಲಿ ವಲಯ ಮುಖ್ಯಸ್ಥ ಎಸ್‌.ಕೆ. ಮಜುಂದಾರ್‌ ಹಾಗೂ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.