ಅದೃಷ್ಟ ಎಂದರೆ ಹೀಗಿರಬೇಕು ನೋಡಿ : ವಿದ್ಯಾರ್ಥಿಗೆ 1.8 ಕೋಟಿ ರೂ. ವೇತನದ ಉದ್ಯೋಗ

ಕೋಲ್ಕತಾ : ಅದೃಷ್ಟ ಎಂದರೆ ಹೀಗಿರಬೇಕು. ಕ್ಯಾಂಪಸ್‌ ಸೆಲೆಕ್ಷನ್‌ನಲ್ಲಿ ಒಬ್ಬ ವಿದ್ಯಾರ್ಥಿಗೆ ಜಗತ್ತಿನ ಮೂರು ದೈತ್ಯ ಕಂಪೆನಿಗಳಿಂದ ಆಫ‌ರ್‌ ಬಂದರೆ ಏನಾಗಲಿದೆ? ಹೆಚ್ಚು ವೇತನ ಇರುವ ಕಂಪೆನಿಗೆ ಸೇರುತ್ತಾನೆ. ಪಶ್ಚಿಮ ಬಂಗಾಲದ ಜಾಧವಪುರ ವಿವಿಯ ವಿದ್ಯಾರ್ಥಿ ಬಿಸಾಕ್‌ ಮೊಂಡಲ್‌ಗೆ ಅಮೆಜಾನ್‌, ಗೂಗಲ್‌ ಮತ್ತು ಫೇಸ್‌ಬುಕ್‌ನಿಂದ ಉದ್ಯೋಗದ ಆಫ‌ರ್‌ ಬಂದಿದೆ.

ಫೇಸ್‌ಬುಕ್‌ನಿಂದ ಮೊಂಡಲ್‌ಗೆ ವಾರ್ಷಿಕ 1.8 ಕೋಟಿ ರೂ. ಆಫ‌ರ್‌ ಬಂದಿದೆ. ಜಾಧವಪುರ ವಿವಿಯ ಮಟ್ಟಿಗೆ ಇದು ಅತ್ಯಧಿಕ ಆಫ‌ರ್‌ ಆಗಿದೆ. ಕಂಪ್ಯೂಟರ್‌ ಸೈನ್ಸ್‌ನಲ್ಲಿ ಬಿ.ಇ. ಮಾಡಿರುವ ಬಿಸಾಕ್‌ ಸೆಪ್ಟಂಬರ್‌ನಲ್ಲಿ ಕೆಲಸಕ್ಕಾಗಿ ಲಂಡನ್‌ಗೆ ತೆರಳಲಿದ್ದಾರೆ.

ಪಶ್ಚಿಮ ಬಂಗಾಲದ ಭಿರ್‌ಭುಮ್‌ ಅವರ ಊರು. ತಾಯಿ ಶಿವಾನಿ ಅಂಗನವಾಡಿ ಕಾರ್ಯಕರ್ತೆ. “ನನ್ನ ಮಗ ಯಾವತ್ತೂ ಕಲಿಯುವುದರಲ್ಲಿ ಮೊದಲಿಗನಾಗಿದ್ದ. ಆತನಿಗೆ ಒಳ್ಳೆಯ ಕೆಲಸ ಸಿಕ್ಕಿದ್ದು ಸಂತೋಷ ತಂದಿದೆ’ ಎಂದು ಖುಷಿಯಿಂದ ಹೇಳಿಕೊಂಡಿದ್ದಾರೆ.