ಇಂಗ್ಲಿಷ್‌ ಕೌಶಲ್ಯಾಭಿವೃದ್ಧಿಗೆ ಕೈಜೋಡಿಸಿದ ಕೇಂಬ್ರಿಜ್‌ ವಿವಿ-ಎನ್‌ಎಸ್‌ಡಿಸಿ

ನವದೆಹಲಿ: ಇಂಗ್ಲೆಂಡ್‌ನ‌ ಕೇಂಬ್ರಿಜ್‌ ವಿವಿ ಮಾಧ್ಯಮ ಮತ್ತು ಪರಿಶೀಲನಾ ಸಂಸ್ಥೆ (ಸಿಯುಪಿ ಆ್ಯಂಡ್‌ ಎ) ಭಾರತದ ರಾಷ್ಟ್ರೀಯ ಕೌಶಲ್ಯಾಭಿವೃದ್ಧಿ ನಿಗಮದೊಂದಿಗೆ (ಎನ್‌ಎಸ್‌ಡಿಸಿ) ಒಪ್ಪಂದ ಮಾಡಿಕೊಂಡಿದೆ. ವಿದೇಶಗಳಿಗೆ ಪ್ರಯಾಣಿಸಿ ಅಲ್ಲಿ ಕೆಲಸ ಮಾಡಲು ಬಯಸುವ ಭಾರತೀಯ ವಿದ್ಯಾರ್ಥಿಗಳ ಇಂಗ್ಲಿಷ್‌ ಕೌಶಲ್ಯವನ್ನು ವೃದ್ಧಿಸುವುದೇ ಇದರ ಉದ್ದೇಶ. ಈ ಕುರಿತ ತಿಳಿವಳಿಕೆ (ಎಂಒಯು) ಪತ್ರಕ್ಕೆ ಎನ್‌ಎಸ್‌ಡಿಸಿ ಸಿಇಒ ವೇದಮಣಿ ತಿವಾರಿ ಮತ್ತು ಸಿಯುಪಿಆ್ಯಂಡ್‌ಎ ದಕ್ಷಿಣ ಏಷ್ಯಾ ಎಂಡಿ ಅರುಣ್‌ ರಾಜಾಮಣಿ ಸಹಿಹಾಕಿದ್ದಾರೆ.

ಕಡಿಮೆ ಬೆಲೆಯಲ್ಲಿ, ಗುಣಮಟ್ಟದ ಶಿಕ್ಷಣ ನೀಡುವುದು ನಮ್ಮ ಉದ್ದೇಶ. ಜಾಗತಿಕ ಮಾರುಕಟ್ಟೆಯಲ್ಲಿ ಕುಶಲ ಭಾರತೀಯರು ಇರಬೇಕು ತಿವಾರಿ ಹೇಳಿದ್ದಾರೆ. ಈ ಒಪ್ಪಂದದ ಪ್ರಕಾರ ಕೇಂಬ್ರಿಜ್‌ ವಿವಿಯು ಕಲಿಕಾ ಕ್ರಮಗಳು, ಮುದ್ರಿತ ಮತ್ತು ಡಿಜಿಟಲ್‌ ಮಾಹಿತಿಗಳನ್ನು ಒದಗಿಸಲಿದೆ. ಶಿಕ್ಷಕರಿಗೆ ತರಬೇತಿ ನೀಡಲಿದೆ. ಐಇಎಲ್‌ಟಿಎಸ್‌ ಮತ್ತು ಒಇಟಿಗಳಂತಹ ಪರೀಕ್ಷೆಗಳನ್ನು ಮಾಡಲಿದೆ.